الفن

رد نجم ذا فويس كيدز والمعتزل خالد الفايد على تصريحات عفاف جرجس زوجة المنتج هاني محروس، مشيرا أنه طلب بمسح البوستات الدينية.

وكتب خالد الفايد عبر موقع التواصل الاجتماعي فيسبوك: أولا أنا مرضيتش اذكر ديانات ابدأ ف الموضوع ثانيا انتي مراته واكيد محموقه عليه وزعلانه، ثالثا البوستات اللي كان بيقولي امسحها كانت بوستات دينيه وربنا شاهد لما كنت منزل بروفايل مكتوب فيه (محمد صلي الله عليه وسلم ) لقيته بيقولي مينفعش تنزل ده امسحه ودا غلط، وانا قلت نعم حضرتك!!! اي الغلط في كدا.

وتابع خالد: رابعا أنا لما قلتله عاوز لبس علشان انا فنان ومنظري لازم يكون كويس لأنه ف وشك قاللي حاضروجابلي كارتونه فيها لبس مهري وكوتشيات مقطعه مش( ماركات) ولا حاجه الكذب حرام ولما انا زعلت راح مطلعلي الف جنيه بيقولي خد اشتري لبس.

خالد الفايد: رماني 3 أيام في الشارع

وأضاف الفايد: خامسا انا مكنتش قاعد ف بيته ولا حاجه دي شقة الشركه اللي انا كنت ماضي فيها ف طبيعي كان من حقي اقعد فيه وهو لما انا بطلت غنا طردني من الشقه ومنع عني مصروفي وانا كنت بايت ٣ ايام في الشارع وربنا شاهد علي كلامي، ثم مين قال اني عايز العقد علشان اشتغل مع حد تاني.

ونوه خالد الفايد: انا لو عايز اشتغل بجد وانجح هيكون مع هاني محروس لانه منتج شاطر وشركه تقيله واي حد مع الناس دي بينجح معاه انا صدقت ف توبتي لله عز وجل وانا مش كداب زيكم ولا بعرف اكدب، وانا مقدر انك مراته وبتحبيه ومتضايقه عليه مش اكتر ربنا معاكم ويهديكم.