حوادث

بقلب متقطع ودموع مكتومة نتيجة الصدمة روت أم العروس أية الشبيني قصة قتلها علي يد زوجها بعد 48 ساعة من زواجها من خلال حوار في لايف ل " موقع بصراحة الاخباري"

انهيار والدة عروس طنطا بعد مقتلها على أيدي زوجها

قالت والدة أية : بنتي انا روحت زورتها يوم الصباحية اطمن عليها لكن مكنتش حابة أتدخل في تفاصيل بينها وبين زوجها ، ولما سالتها عامله اية يا أية قالتلي الحمد لله يا ماما ،لكن مقالتش أن هي لسه بكر ،تقرير الطب الشرعي قال إنها بكر وهي متجوزه بقالها 48 ساعة .

صرحت الأم قائلة: بنتي كانت اسمها أية وهي أية بجد ،كانت أحن حد في أخواتها عليا دائما حاسة بيا ،وقبل فرحها لما قولتلها هجيب طرحة علي اي لبس عندي اعترضت وجابتلي عباية .

بنتي كانت كل الناس بتحبها الصغير والكبير

استكملت الأم حديثها قائلة بنتي كانت كل الناس بتحبها الصغير والكبير كانت حنونة علي الكل ، تدخل من الشغل تبوس أيدي ، ودائما كانت حاسة بتعبي علشان خاطرهم من يوم ما والدها توفي ،أضافت الام المكلومة بنتي كانت طيبة وكل الناس بتتكلم عن اخلاقها في كل البلاد اللي حوالينا كلهم حضروا جنازتها .

صرحت خالة أية قائلة:احنا من عاداتنا أن العروسة مش هي اللي بتفرش شقتها ، لكن أية كانت بتوصيني يا خالتو حطي كل حاجة ف المكان اللي قولتلك عليه ، كانت فرحانة زي اي عروسة بتجهز لفرحها ،وبتروح هي واختها يجيبوا باقي حاجات الشقة زي اي عروسة قبل أيام فرحها

اختتموا الاهل لقائهم وحوارهم : هو اخد بنتنا كدا بالغدر واحنا علي ثقة إن حقها هيجي ، احنا عايزين حق بنتنا.