الرياضة

علق أحمد حسام ميدو، على هزيمة الأهلي بخماسية مقابل هدفين في دوري أبطال أفريقيا منتقدا تصريحات محمد الشناوي حارس الأهلي قبل المباراة.

قال ميدو في تصريحاته عبر برنامج الريمونتادا على قناة المحور: "نتيجة مباراة الأهلي تعكس مستوى الكرة المصرية، والفوارق بين الأهلي وصن داونز واضحة للجميع".

وأضاف: "الأهلي فعل كل شئ بشكل خاطئ، حتى من قبل المباراة، تحديدا من تصريحات محمد الشناوي حارس الأهلي، الذي انتقد توقيت المباراة، ولو كنت مكان كولر، كنت سأجعل محمد الشناوي يصمت، لأنه أثبت أن الأهلي يعاني من مشكلة مع هذا التوقيت، ووجه رسالة للمنافس بأن الأهلي بالفعل يعاني في هذا التوقيت".

وواصل: "من المفترض أن يتحدث الشناوي عن استعداد الأهلي للفوز على صن داونز في أي ملعب وفي أي وقت".

وأردف: "مين اللي قال مفيش ماتشات كبيرة بتتلعب الضهر، ليفربول ضد بورنموث وماتشات كتير في بريميرليج، وكمان ريال مدريد انهاردة ضد إسبانيول، اللي قالك المعلومة دي يا شناوي بيضللك وتصريحات الشناوي بيعكس الحالة النفسية للاعبي الأهلي قبل اللقاء، وأراهن إن مدرب صن داونز كان سامع تصريحات محمد الشناوي وبيضحك".

كماأكد ميدو، أن الكرة المصرية تعاني ودليل ذلك كان واضحا من هزيمة الأهلي بخماسية من صن داونز.

وقال ميدو : "الحقيقة المُرة، اللي لازم الكل يعرفها، إن أي فرقة في الدوري المصري لو راحت لعبت صن داونز هيبقى شكلها عامل زي الأهلي".

وأضاف: "هي دي إمكانيات اللاعيبة اللي في الدوري المصري أو إمكانيات معظم اللاعبين".

وواصل: "في لاعيبة كورة كتير بتلعب في أندية كبيرة دلوقتي، إمكانيات كل واحد فيهم مينفعش تؤهله يلعب في ناد كبير، ومعاهم لجان إلكترونية".

واختتم: "انظروا إلى رواتب لاعبي صن داونز، ورواتب لاعبي الأهلي، أعلى واحد بيحصل على 400 ألف دولار، وبعد الضرايب هتلاقيه بياخد 6 مليون جنيه مصري، انهاردة أقل لاعب في الدوري المصري هتلاقيه 6 أو 7 مليون جنيه، صن داونز قطع الأهلي كورة بالرواتب دي".