يبدو أن تصريحات ياسمين عز المثيرة للجدل «مبتخلصش» عن الرجل، هذه المرة تعمقت لوصف كل منهم على حدا، عبر برنامجها « كلام الناس»، والذي يعرض عبر قناة «إم بي سي مصر».
الراجل الصعيدي
اتجوزي راجل صعيدي وإنتي مغمضة،اتجوزيهوحطي في بطنك بطيختين صيفي.
الصعايدة يعني الأصل الطيب، والأخلاق الحميدة، والشهامة والجدعنة والمروة والنخوة
- كل الصفات الحلوة اللي بقت عملة نادرة في الزمن ده، موجودة في الرجل الصعيدي
- مخلص، وكاتم أسرار، ميطلعش أسرار بيته بره
- حرمة بيته بالدنيا، مش مجرد زوج وحبيب وخلاص، ده أخ وأب وصديق وسند
- الراجل الصعيدى يهمه أخلاقك قبل جمالك
- ودمه حامي عشان كده هتلاقيه بيغير عليكي من الهوا الطاير
- انتي لازم تتقبلي غيرته، ولازم تحسسيه إنه محور حياتك
الراجل المنوفي
- يا هناكي يا سعدك يا وعدك راجل عاقل ورزين ومش أي واحدة تعجبه ولا تملا دماغه
- خليكي عارفه أنك لو اتجوزتي راجل من المنوفية ده إنجاز في حد ذاته
- قرار جوازه جه بعد أيام طويلة من التفكير والتمحيص والدراسات والمباحثات
- معروف للجميع أن المنوفية بلد الكرم كله وهتلاقي جوزك الراجل المنوفي كريم معاكي ومعطاء
- كل اللي في جيبه ليكي أنت وولادك مش بعيد أبدًا يطلع اللقمة من بؤه ويديهالك
- اعرفيها قاعدة “المنوفي لا يلوفي مع البخل” يعني مش بيولف مع صفة البخل إطلاقًا
الراجل الدمياطي
- أهل دمياط طيبين والراجل الدمياطي رزق
- الست اللي متجوزه دمياطي محظوظة عشان ربنا كرمها براجل حتة سكرة
- مفيش في خفة دمه وهو قادر في ثانية أنه يخرجك من أي مود وحش
- ملهوش في اللف والدوران ومبيكرهش في حياته أد الكدب
- مستحيل تلاقيه بيكذب أو بيحور عليكي
- لو في يوم غلط في حقك بيعترف بغلطه ويعتذرلك ويطيب خاطرك ويطبطب عليكي
- الزوج الدمياطي فيه ميزة مش موجودة في أي راجل تاني موجود
- دايمًا يحسس مراته أنها مهمة جدًا وأنها ست خارقة أو سوبر وومان