طالب المستشار مرتضى منصور رئيس نادي الزمالك، جماهير الفارس الأبيض بالفرح والسعادة أثناء الذهاب أسوان لمواجهة النادي الأسمر.
كما هاجم مرتضى منصور في فيديو تم بثه عبر قناة الزمالك، منتقدي سفر الجماهير إلى أسوان: “انت مالك بالوجبةواللي يطلبه جمهور الزمالك جوه القطر كمان هنحاسب عليه، وربنا يجبر بخاطرهم ويفوزوا وكان نفسي اروح بس ممنوع من السفر”.
وأضاف:”بيقولوا القطر لونه احمر في ابيض، هو جاي من روسيا كده لونه احمر وابيض وعلم روسيا فيه الالوان دي، اصل كامل الوزير زملكاوي انت الغل واكلك، ماعندك مسئولين كبار اهلاويه بس ناس محترمه دي دوله مؤسسات”.
وشدد مرتضى:” بلاش قلة الادب هو القطار لونه كده الغل مالي قلبك، ونهايتك قربت بالاهلي، ولو انت دكر اوي كده احكي لي ياخطيب عن200مليون جنيه اهدار مال عام في ميزانيه فريق الكرة، هو وشوبير صاحب المكالمات الفاضحه وممدوح عباس محمين “.
واشار:” ياجمهور الزمالك افرحوا واسعدوا ولو المباراة في المريخ هناجر صواريخ، جوز بنتك ياخطيب عملي خدمه العمر وبشكركم على حسن تعاونكم وهقولك بكره ايه الخدمه دي”.