الفن

أعربت الفنانة نورهان، عن سعادتها الباغة من دور الفنان خالد الصاوي في فيلم عمارة يعقوبيان، والذي قدم فيه شخصية الصحفي المثلي.

وقالت نورهان خلال لقائها على فضائية الشمس: أنا شايفة إن خالد الصاوي لعب دوره كويس جدًا، وكمان الدور مكانش موظف أن الناس لازم الناس تتقبله، زي ما كانت نتفليكس بتعمل وتظهر أن الشخص ده واحد مننا ولازم نتقبله.

وواصلت: لكن الدور مدان واتعمل في السياق الدرامي بما يسمى بالعدالة الشرعية وبيبن إن اللي بيغضب ربنا نهايته كده فبالعكس ده يتحسب له في ميزان حسناته إنه بيوعي الناس.

قاتل نيرة اشرف

وعن التعاطف مع قاتل نيرة أشرف، قالت نورهان: التحرش كارثة، والكارثة أكثر أنهم يطلعوا مبررات للحادثة، ويطلعوا الخاطئ برئ، كل حاجه على كده في الدنيا ممكن نطلعلها مبرر.

وأضافت: ومكنش ينفع حد يتعاطف مع قاتل نيرة أشرف لأن ده فساد وخطئ كبير، وأنا ضده هو ليه رب يحاسبه لكن مفيش أي مبرر أنه يقتل.