حرص العديد من أصدقاء علي فايز، نجم برنامج الدوم على مشاركة منشور قديم له كان يتحدث فيه عن الموت، عبر حسابه الشخصي بموقع التواصل الاجتماعي فيسبوك.
وكتب علي فايز: وأنا عيل صغير، وابويا قالي ان الجنة فيها كل حاجة بتتمناها و كل الناس الي بتحبهم موجودين فيها، ومفيش حاجة بتحبها مش موجودة فيها، و مفيش حاجة بتفكر فيها مش هتتحقق.
وواصل: فرحت و حبيت الجنة و نظرا لأني كنت صغير معنديش حاجة بحبها غير حاجتين اهلي و ان شاء الله هيبقوا هناك و الافلام بس مكنتش عارف هل هيكون فيه تلفزيون أو افلام ولا لأ.
وأضاف: وفضلت ادعي وانا صغير يارب لما اموت و ادخل الجنة ان شاء الله اشوف كل الافلام الي فاتتني لما مت و يارب افتكر الدعوة دي في الجنة علشان لما ادخلها ان شاء الله افتكرها و تتحق.
وتابع: الغريب اني مش ناسي الدعوة دي لحد دلوقتي، والأغرب اني لحد دلوقتي نفسي انها تبقي حقيقة و تتحق، هل في الجنة الأفكار و الاماني الي كنت بتفكر فيها في الدنيا هتفكر فيها الجنة ؟
وأختتم علي فايز قائلًا: يعني مثلا انا كنت بتمني اني لما اخش الجنة وانا صغير اعيش مع الكورن فليكس و الفراخ البانيه طول الوقت و ده اكيد اتغير، لكن حبي الافلام لسه متغيرش، انا معنديش تصور زيي زي اي احد لكن عندي يقين انها ملاذ لكل حاجة حلوة المكان الابدي الي هيكون فيه خير و سعادة طول الوقت والي سعادته في الافلام اكيد هيلاقيها و الي سعادته في المزيكا اكيد هيلاقيها و الي سعادته في الكورن فليكس اكيد برده هيلاقيها.
