الفن

خطفت الممثلة الشابة رحمة أحمد فرج الأنظار لها بعد ظهورها في الجزء السادس من "الكبير" وقدمت دور "مربوحة" زوجة "الكبير أوي" الثانية.

وجاء مشهد حفل زفاف "الكبير" ملفتا للأنظار، فتعرف على رحمة من الصور السابقة:

وقالت رحمة: «أنا مش عارفة اعبر ان احساسي بالامتنان.. الحمدلله والشكر لله اي حاجة حلوة حصلت او اتقالتلي ده كرم كبير اوي من ربنا يمكن اكبر من اللي استحقه.. عاوزة اقول ٣ نقط».

وأضافت : «هفضل اقول البوقين دول كل ما حد يشاور النقطة دي ان فنانة زي دنيا سمير غانم لا تقارن بحد...انا مش حد خالص ...انا من فانز دنيا سمير غانم..لان لو اتحطينا في مقارنة من المؤكد اني انا اللي هبقى خسرانة».

وتابعت: «بعد توفيق ربنا أن فنان زي احمد مكي يدي مساحة لحد يقول حاجة مبتحصلش من اي فنان موجود عالساحة.. الراجل ده عنده اللي يكفيه وزيادة انه يسيب فنان قدامه يقول وهو سايب ايده.. مهما اتكلمت عنه مش هوفيه حقه فنيا ولا انسانيا.. المبدع احمد الجندي ميتخيرش عنه.. يسيبك تقول.. ويعليك.. ويركبلك شغل..وذكي يعرف يطلع ضحك من اي شخصية ويحطها في مكانها الصح.. الثالثة.. ليك انت يا حبيب قلبي.. اخويا الكبير الداعم المستمر بكل الطرق.. صادق في فرحته.. انا مهما حكيت عاللي عملته معايا عشان اوصل اني ابقا في عمل من اهم الاعمال في رمضان مش هكفي فيك كلام.. شكرا أحمد أمين الاخ والفنان والانسان انك دايما جنبي». واكملت: «احمد امين..احمد مكي..احمد الجندي.. انتو مكسب لاي فنان ولاي شخص وبشكر ربنا دايما ان ربنا كتبلي اني اعرفكو.. وشكرا لاي حد دعمني حتي لو بكلمة كويسة وبالاخص صلاح الدالي..فنان هياخد حقه كويس جدا ويستاهل اكتر بحبك يا صلوحة.. شكرا لاي حد وقف جنبي واللي اداني ضهره وربنا لاوريك».

ويعرض مسلسل "الكبير أوي" على قناة ON الساعة 6:20 مساءً، ويعاد في تمام الساعة 1:50 بعد منتصف الليل و2:00 مساء اليوم التالي، على قناة ON.

كما يعرض عبر قناة "حكايات" الساعة 6:30 مساء، إعادة أولى الساعة 12:30 بعد منتصف الليل، إعادة ثانية الساعة 6:30 صباحا، إعادة ثالثة الساعة 12:30 ظهرا.

في حين يتم عرض المسلسل أيضا على قناة "حكايات2" الساعة 10:30 مساء، ويعاد عرضه الساعة 5:30 فجرا.

مسلسل "الكبير أوي 6" من بطولة أحمد مكي، هشام إسماعيل، رحمة أحمد، محمد سلام، بيومي فؤاد، ليلى عز العرب سماء إبراهيم وغيرهم من النجوم، المسلسل من تأليف وإشراف عام على السيناريو والحوار مصطفى صقر ومحمد عز الدين، إنتاج سينرجي، إخراج أحمد الجندي.