الفن

عمرو محمود ياسين يؤيد جمال العدل بشأن الدراما الشعبية: دي مش مصر ولا ده شبهنا

22 نوفمبر 2026 04:56 م

محمد الهباء

عمرو محمود ياسين

أعلن السيناريست عمرو محمود ياسين عن تأييد لرأي المنتج جمال العدل بعد انتقاد الأخير لطريقة الحديث في تناول الأعمال الدرامية ذات الطابع الشعبي.

وكتب عمرو محمود ياسين عبر صفحته الرسمية بموقع التواصل الاجتماعي “فيسبوك”، وعلق عليها قائلاً: أتفق جدًا مع المنتج الكبير جمال العدل إن فعلًا مش كل الناس في مناطقنا الشعبية بتتكلم بالطريقة دي، فيه ناس كتير بل الأغلبية الساحقة بتتكلم بأسلوب طبيعي جدًا وراقي جدًا ومش من الصواب إننا نصدّر طول الوقت صورة إن الرجل الشعبي بيتكلم بالسجع وبألفاظ بايخة.

وأضاف: وتجدر الإشارة هنا إننا العام الماضي في مسلسل "وننسى اللي كان" قدمنا شخصية بدر السباعي كبطل شعبي بيتكلم بصورة طبيعية من غير كلمات غريبة ولا سجع ولا غيره. وده كان أمر حريصين عليه. بدر كان بيتكلم زي شاب خارج من بيت مصري أصيل وأخته كانت بتتكلم عادي وأبوه كان بيتكلم عادي وكويس، إن شاء الله إننا نشوف في مسلسلهم القادم تأكيد للأفكار دي.

انتقاد جمال العدل للدراما الشعبية

وانتقد جمال العدل طريقة تناول الدراما الشعبية خلال السنوات الأخيرة، حيث قال في تصريحات خلال لقائه ببرنامج “الصورة” مع لميس الحديدي: بقالنا 6 أو 7 سنين الناس بتتكلم بالسجع والبلطجة وألفاظ بايخة، والأم والبنات والولاد بتتكلم كده، لا، دي مش مصر ولا ده شبهنا، وأنا من شبرا وده مش اللي أنا أعرفه، أنا بعمل مسلسل شعبي لمحمد فراج في رمضان 2027 زي “بين السرايات”، بجدعنة الناس وكل حاجة بس شبه الناس،  الشعبي الشيك العادي