رد الفنان الكبير صبري عبدالمنعم عن انتقادات ظهوره في فيديو بث مباشر عبر تطبيق “تيك توك"، وذلك بعد ابتعاده عن الساحة الفنية خلال السنوات الأخيرة.
وقال صبري عبدالمنعم في تصريحات خاصة لـ «بصراحة»: أنا مش طالع أرقص أنا كل صحابي مـاتوا، أروح مصحة ولا أروح أتعالج في مستشفى أمراض عقلية، عشان الناس تسيبني في حالي؟، طلع اتكلم مع الناس على التيك توك ايه اللي فيها، سيبوني في حالي أنا عندي مشكلة جامدة في عيني وتعبان
أسباب اتجاه صبري عبدالمنعم إلى عالم التيك توك
وفي وقت سابق، كشف الفنان صبري عبدالمنعم أسباب دخول عالم التيك توك بالرغم من تقديمه عددا من الأعمال الفنية على مستوى الدراما أو السينما.
وقال صبري عبدالمنعم في تصريحات تليفزيونية: أنا مش طماع ولا شحات في الشارع، ومش بقول لحد أديني فلوس وكان عندي شقة تحويشة عمري اتنصب عليا من صديق عمري، واللي بطلبه من تيك توك بلاقيه.
وفي وقت سابق، طمأن صبري عبد المنعم جمهوره ومتابعيه على حالته الصحية بعد نقله إلى المستشفى، قائلاً: أنا الحمد لله كويس.
وقال الفنان صبرى عبد المنعم في تصريحات خاصة لـ "بصراحة : " الحمد لله أنا صحتي كويسة دلوقتي وتحسنت أحسن من الأول، وحاليًا أنا متواجد في البيت وبطمن كل جمهوري إني بخير، وأنا دلوقتي بتابع مع الدكاترة وشكرًا لكل الناس اللي سألت عليا عشان يطمنوا ".