الرياضة

قرر نادي الجونة إقالة أحمد مصطفى بيبو، المدير الفني للفريق الأول لكرة القدم، بسبب سوء النتائج، في ظل تذيل الفريق جدول ترتيب دوري ORA برصيد نقطتين.

وأعلن النادي عبر صفحته الرسمية توجيه الشكر إلى أحمد مصطفى بيبو، وجاء البيان كالتالي:

«يتقدم نادي الجونة بخالص الشكر للكابتن أحمد مصطفى بيبو.

فيه ناس بتكون جزء من رحلة النادي، وناس بتسيب أثر يفضل موجود حتى بعد ما الرحلة تخلص.. وكابتن بيبو من الناس اللي ليها مكانة خاصة في قلوبنا.

شكرًا على كل لحظة تعب، وكل مجهود اتبذل، وكل حاجة قدمتها للفريق والنادي. الفترة اللي قضيتها معانا كان ليها قيمتها، وهنفضل دايمًا مقدّرين كل اللي قدمته بكل إخلاص وتفانٍ.

يمكن الرحلة تكون وصلت لنهايتها، لكن كل التقدير والاحترام ليك هيفضلوا موجودين.

من قلبنا، بنتمنالك كل الخير والتوفيق والنجاح في اللي جاي، وإن شاء الله تكون خطواتك الجاية مليانة نجاحات.

شكرًا يا كابتن بيبو، على كل حاجة.. وكل التوفيق ليك دايمًا، وهتفضل جزء من عيلة نادي الجونة».

الإقالة السادسة في دوري ORA

وتعد إقالة أحمد مصطفى بيبو السادسة في دوري ORA هذا الموسم، بعد رحيل عماد النحاس عن تدريب المصري، وأحمد خطاب عن غزل المحلة، ومحمد الشيخ عن وادي دجلة، ومجدي عبد العاطي عن أبو قير للأسمدة، وأحمد عبد المقصود عن بترول أسيوط، وذلك بعد مرور 7 جولات فقط من المسابقة.