كشف الإعلامي أحمد شوبير حقيقة مفاوضات النادي الأهلي للتعاقد مع محمود ممدوح، لاعب مودرن سبورت، خلال الفترة المقبلة، في ظل ارتباط اسم اللاعب بالانتقال إلى القلعة الحمراء.
وقال أحمد شوبير، عبر برنامجه «مع شوبير» المذاع على إذاعة «أون سبورت إف إم»: «بالنسبة لقصة محمود ممدوح وارتباط اسمه بالأهلي، سألت مصدر في نادي مودرن سبورت عن مفاوضات الأهلي لضم اللاعب، وقالي محدش كلمنا، وسألنا اللاعب نفسه وأكد إن محدش كلمه».
وأضاف: «لما بدأت قصة أقطاي وعبد الله وعلي محمود مع إنبي، سألت أيمن الشريعي، قال لي: والله العظيم محدش كلمني من الأهلي خالص، لكن بالفعل ممكن يكون فيه ناس بتتكلم مع اللاعبين وبتظبط معاهم الأمور من غير علم إدارات الأندية».
وتابع شوبير: «التفاوض مع مودرن سبورت صعب جدًا جدًا، واللي فاكر إن الأمور هتبقى سهلة يبقى غلطان، وليد دعبس عنده فكر وعقلية استثمارية، وبيصرف كتير جدًا على النادي، ولما بتجيله فرصة استثمارية بيستغلها».
واختتم تصريحاته قائلًا: «مودرن سبورت لو الأهلي دخل في مفاوضات لضم محمود ممدوح، هيطلب مبلغ كبير جدًا، وده حقه تمامًا ومحدش يقدر يزعل منه».