الفن

كشفت الفنانة صفاء مغربي عن تفاصيل صادمة بشأن أزمتها مع زوجها المخرج يوسف شرف الدين، متحدثة عن معاناتها خلال سنوات زواجهما، وما وصفته بتعرضها للضرب المتكرر على مدار 3 سنوات، مشيرة إلى أن الأمر طال أيضًا نجلها يوسف الصغير، الذي قالت إنه تعرض للضرب، في تصريحات أثارت حالة من الجدل والتفاعل.

وكتب صفاء مغربي عبر صفحتها بموقع التواصل الاجتماعي “فيسبوك”: دول ولادي وربنا ينتقم منك انت واهلك يا ربب، يا جماعة أنا تم ضربي كتير جدا في 3 سنوات عذاب وابني يوسف الصغير اتضرب والناس دي عليهم 4 أحكام جنائيه بالاعتداء عليا،  ومخالفة شروط الكفالة عدم التعرض. 

وأضافت: و بقالي 8 شهور ساكته تماما لكن اللي بيحصل كتيييير جدا  والبيت flagged red عند البوليس إنه خطر بسبب تهم الاعتداء المتكررة،  والعنف و مخالفة شروط الكفالة وحاطت بيته على اسم اخته عشان تطردني وجابتلي ورقة طرد من البيت أنا و3 أطفال. 

 وتابعت: وأنا في حالي تماما عن علاقه مسيئه كلها عنف وخطر هو وأهله،  وتهديد بحرق المنزل وحرقي أنا وأطفالي وتدميرنا،  ومن يومين وأنا في الشغل تم توبيخ  ابني علي الكبير ، وأنا في العمل وتحدثت مع حماية الاطفال وسجلوا الشر اللي فعلوه،  وكل الجهات الحكومية والمختصة في صفي تماما وضد ما هما يفعلوه وحسبي الله ونعم الوكيل فيكم. 

واستكملت: :  وانهارده اخته اهانتني وانا راجعه من الشغل وهو بيرسل ناس تراقبني وتأذيني في شغلي اقسم بالله هنزل اسمائكم وصوركم قريبا،  عشان لما تقتلوني زي ما بتهددونا أنا وأطفالي العالم ياخد حقي أنا وأولادي، ويكفي إن كل العالم عندها علم بكل أفعالكم الشر وعلى رأسهم البوليس والمحكمة،  والجهات الحكومية. 

وواصلت: كل الناس معاهم اسمائكم وصوركم وسواء داخل كندا، أو خارج كندا العالم كله هياخد حقنا لو قتلتونا وايه الحقد ده كله عشان بشتغل عشان استقل وابعد عن علاقة كلها اذى جسدي ونفسي وتهديد بالقتل، ومبيدفعش نفقة ولا أي حاجه لبنته وحارمها ولا لي، وكمان ممنوع اشتغل عشان ولادي. 

 واختتمت: ما أنت بتطردني أنا و 3 أطفال وبشتغل عشان انقل من بيتك لكن ازاي بقى هو مش عايزني اروح بيت تاني بسلام عايزني اترمي في الشارع  حسبي الله ونعم الوكيل فيك انت واهلك وربنا كبير يا  عالم،  لا نافع معاهم بوليس ولا محكمة،  ولا أي حاجة دا الكفار عندهم رحمه عنهم حسبي الله ونعم الوكيل فيكم.