كشفت تقارير إعلامية عن ترشيح محمد الشيخ المدير الفني السابق لوادي دجلة، من خلال أحد أعضاء مجلس إدارة اتحاد الكرة المصري لقيادة المنتخب الأوليمبي خلال الفترة المقبلة.
موقف شوقي غريب من تعيين محمد الشيخ
قال الإعلامي هاني حتحوت في تصريحات تلفزيونية: شوقي غريب، المدير الفني للاتحاد، يرى أن الكابتن محمد الشيخ لا يمتلك من الخبرات ما يكفي لتولي تدريب المنتخب الأوليمبي في الوقت الحالي.
وتابع: «عندنا بطولة أفريقيا نفسها هنا في مصر السنة الجاية، إن شاء الله، ويصعد الأول والثاني إلى أولمبياد لوس أنجلوس في الولايات المتحدة الأمريكية».
وأضاف أن شوقي غريب قال: «لا، أنا شايف إن الخبرات غير كافية». لكن ما زال شوقي غريب يؤكد أنه يبحث ويدرس من سيكون الاسم الذي سيتولى المهمة، بينما ما زال البعض يرى أنه في النهاية سيكون شوقي غريب هو المدير الفني.
وواصل: «أنا أتمنى إنه لو كان شوقي غريب، يا جماعة، ممكن يكونوا بيدوروا على الوقت المناسب اللي يقولوا فيه المعلومة، لكن لو هو شوقي غريب، قولوا عادي جدًا ونفذوا».
وأكمل: «إحنا كان المفروض دلوقتي نلعب التصفيات، لولا إن إحنا مستضيفين البطولة، فنستغل الوقت ده ونعلن، والمدرب يبقى عارف حساباته، وعارف أفكاره، وعارف لاعيبته».
وأردف: «مش لازم يعني نيجي في شهر مارس ونقول: “ما لقيناش، شوقي، الحقنا. أنت عندك خبرات”. لو ده هيحصل، براحتكم».
واختتم: «بس أنا بتكلم في إنه أعلنوا دلوقتي، وخلّوا اللي هيشتغلها يشتغلها بهدوء، وبأفكاره، وبجهازه المعاون، وبلاعيبته اللي هيكونوا في المنتخب، ومش كل حاجة بالحسابات اللي كده وكده».