تحدث الفنان عمرو دياب عن علاقته بجمهوره ومفهومه للنجاح والإنجازات، مؤكدًا أن الجمهور يمثل الدافع الأساسي وراء استمراره في تقديم أعمال جديدة، وذلك خلال لقائه مع «بيلبورد عربية».
وقال عمرو دياب: «أي جائزة باخدها إنتوا اللي بتجيبوها لي، وأنا معنديش حاجة غيركم، ويارب أكون عند حسن ظنكم دايمًا زي ما إحنا متعودين».
وأكد «الهضبة» أنه يحرص باستمرار على تطوير نفسه ومواكبة التغيرات التي يشهدها الجمهور، موضحًا أن اهتمامه بتفاصيل جمهوره يمثل جزءًا أساسيًا من طريقته في العمل.
وأضاف: «أنا بجهتهد وبشتغل وبحب شغلي أوي، وباهتم بجمهوري وباهتم بتفاصيله، وكل فترة بيتغير الجمهور، فأنا لازم أتغير معاه، وده اللي بعرف أعمله».
وأشار عمرو دياب إلى أن تفاعل الجمهور مع أعماله هو المقياس الأهم بالنسبة له، موضحًا أنه يستطيع معرفة مدى نجاح العمل من خلال ردود أفعال الجمهور عندما يلتقي بهم.
وتابع: «إنجاز بيبقى على طول، ودي حاجة عرفناها عني، إني أنا بشوف الجمهور في وشي، فبشوف قد إيه هو اتقبل الأعمال اللي أنا تعبت فيها واللي أنا بشتغلها».
واختتم حديثه بالتأكيد على أن هدفه الأساسي لا يتمثل في تحقيق الإنجازات أو الحصول على الجوائز، قائلًا: «طالما اتقبلها ده بالنسبة لي إنجاز، ومعنديش إنجاز تاني، وأنا مش بفكر في إنجازات، أنا بفكر أسعد الجمهور وأعمل اللي أنا نفسي فيه».