انتقد الفنان شريف منير الطريقة المُتبعة في اختبارات الأداء "الأوديشن" مع بعض الممثلين، مشيرا أن الوقوف أمام الكاميرا بدون حركة لا تمنح الفرصة الحقيقة للممثل في إظهار موهبته.
وقال شريف منير خلال فيديو نشره عبر صفحته الرسمية بموقع التواصل الاجتماعي “انستجرام”: الفيديو ده مخصوص لأصحاب الأوديشن اللي بيعملوها للممثلين اللي بيبتدوا مشوارهم في التمثيل، وعايز اعرف الأوديشن ده بيتم إزاي، واللي عرفته من الطريقة اللي بيتعمل بيها إنه فيه ظلم.
وأضاف: الظلم في إن لما الممثل بيقف قدام الكاميرا وبيتقاله متحركش، واللي بيقوله الحوار من ورا الكاميرا بيقرأ ومش مديله إحساس، ومطلوب منه ينقل كل الإحساس وهو واقف ثابت، وده مينفعش يمثل لأن لازم يكون في حركة وانفعال، والللي قدامه لازم يديله إحساس الجملة علشان يرد عليه بنفس الإحساس، إنما يثبت وميخلهوش يتحرك ويقول له إحساس الجملة، وده ظلم لأنه فيه ناس موهوبين ما بيعرفوش يقدموا موهبته صح، لأنه بينقل كلام من غير إحساس، فيا ريت نغير طريقة الأوديشن، ونتعامل مع الناس بشكل ميخوفوش علشان يعرف يطلع إحساس.