علقت د.صافيناز طلعت عضو مجلس النواب ،علي ظاهرة هجرة الاطباء قائلة: «قبل ما نسأل الطبيب: إنت ليه سافرت؟ لازم نسأل نفسنا: إحنا عملنا إيه علشان تخليه يفضل؟»
واضافت عضو مجلس النواب في تصريحات خاصة ان الطبيب المصري مش بيصحى الصبح يقرر يسيب بلده وخلاص وتابعت قائلة : إحنا بنتكلم عن إنسان درس سنين واتدرب سنين وبقى عنده خبرة الدولة والمجتمع محتاجينها.
واشارت “ د.صافيناز” :فبدل ما يكون السؤال: إزاي نمنع الأطباء من السفر؟
أنا شايفة إن السؤال الحقيقي: إزاي نخلي الطبيب لما توصله فرصة سفر يلاقي عنده في مصر فرصة تستحق إنه يرفضها؟
وقالت عضو مجلس النواب : عايزين نحتفظ بالطبيب مش بالكلام… بالراتب العادل والأمان وظروف العمل والتدريب والتقدير وفرص المستقبل.
وتابعت : لأن ببساطة الطبيب لما يسافر، إحنا مش بنخسر شخصًا واحدًا… إحنا بنخسر سنوات من التعليم والتدريب والخبرة والمواطن في النهاية هو اللي ممكن يدفع الثمن.
وطالبت د.صافيناز بضرورة وضع خطة واضحة للتعامل مع هجرة الأطباء بأرقام معلنة متسائلة:
كم طبيب سافر؟ كم واحد ترك المهنة؟ وإيه التخصصات اللي بنخسر فيها أكبر عدد؟
واختتمت تصريحاتها قائلة: ما نطلبش من الطبيب إنه يختار مصر… خلّوا مصر هي الاختيار اللي يستاهل إنه يختاره