في مشهد غير معتاد، حرص أب من قرية محلة بشر التابعة لمركز شبراخيت بمحافظة البحيرة، على تحويل أول يوم دراسي لابنته «فريدة بهاء هنداوي» إلى مناسبة استثنائية، فاصطحبها في زفة بالمزمار البلدي من منزل الأسرة حتى باب معهد محلة بشر، وسط أجواء من البهجة والفرحة.
وقال والد فريدة إن الفكرة جاءت رغبة منه في إسعاد ابنته وصناعة ذكرى مميزة لها مع بداية العام الدراسي الجديد، مؤكدًا: «أنا حبيت أفرحها وأخلي أول يوم دراسة ليها مختلف، بدل ما تروح المدرسة في يوم عادي، تبقى رايحة وهي فرحانة».
وأضاف: «فكرت أجيب المزمار البلدي وأعمل لها زفة من البيت لحد المعهد، علشان اليوم ده يفضل في ذاكرتها، وتفتكره لما تكبر وتقول إن أبوها فرح بيها من أول يوم دراسة».
وتابع الأب: «هي بنتي وفرحتها عندي بالدنيا، وأنا شايف إن مفيش أجمل من إن الواحد يفرح ولاده ويعمل لهم ذكريات حلوة».
وانطلقت الزفة من منزل الأسرة وسط أجواء احتفالية لفتت أنظار أهالي القرية، وصولًا إلى معهد محلة بشر، لتبدأ فريدة عامها الدراسي الجديد بطريقة مختلفة، في ذكرى حرص والدها على أن تظل محفورة في ذاكرتها لسنوات طويلة.