حرص الفنان تامر حسني على تقديم الدعم للفنانة مريم منيب، عقب طرحها أغنية «رجعولي حبيبي» لوالدها، في أولى خطواتها الغنائية التي حملت طابعًا خاصًا ومشاعر مؤثرة، ليعبر عن مساندته لها.
وكتب تامر حسني عبر صفحته الرسمية بموقع التواصل الاجتماعي “انستجرام”: مريم منيب بنت الفنان الراحل الغالي أوي عامر منيب بعد وفاة والدها بفترة كبيرة اتخطبت و بعد فترة كان فرحها بعد أيام ، توفى خطيبها الجميل عمرو ستين وبعد فترة كبيرة من التعافي عملت أغنية بتعبر عن وجعها.
وأضاف: قد إيه حاسس بيكي يا حبيبتي و بالوجع اللي جواكي و عارف إنك مؤمنة برب العالمين اللي جابنا كلنا و هنروحله كلنا ثقي في رحمته وإنهم في مكان أفضل ليهم بكثير والله هما في دار الحق والرحمة، بواسيكي من قلبي ويباركلك على أغنيتك الأكثر من رائعة، و ببارك لكل صناعها وسلامي لكل أسرتك الكريمة الغالية و أسرة عمرو الغالي الحبيب رحمه الله.
رجعولي حبيبي
وطرحت مريم منيب أمس أحدث أغنياتها بعنوان «رجعولي حبيبي»، والتي قدمتها لوالدها الراحل، في عمل غنائي يحمل طابعًا عاطفيًا ويعبر عن مشاعرها وحنينها إليه، لتلقى الأغنية تفاعلًا من الجمهور منذ طرحها.
والأغنية من كلمات عليم، وألحان عمرو مصطفى، وإشراف أحمد عادل، وهندسة صوتية هاني محروس.
وتقول كلمات الأغنية:
ستّين شوق ف اليوم
ستّين حلم ف نوم
ستّين مرّه بقوم .. واقول .. حبيبي
هوه انا صوته ازاي سامعاه
بلمسه لسّه كأني معاه
معاه .. معاه
رجّعولي حبيبي تاني .. حبيبي
بلّغوه ان انا مكاني .. سنين
رجّعولي حبيبي تاني .. حبيبي
روحي رايحه معاه
رجّعولي حبيبي تاني .. حبيبي
حلّفوه قولوله عشاني .. اه
رجعولي حبيبي تاني .. حبيبي
ليل نهار فاكراه
طمّنوا قلبي عليه
ياتري عامل إيه
حاسس باللي انا فيه .. أكيد .. حبيبي٠
هوه انا صوته ازاي سامعاه
بلمسه لسّه كأني معاه
معاه .. معاه
رجّعولي حبيبي تاني .. حبيبي
بلّغوه ان انا مكاني .. سنين
رجّعولي حبيبي تاني .. حبيبي
روحي رايحه معاه
رجّعولي حبيبي تاني .. حبيبي
حلّفوه قولوله عشاني .. اه
رجعولي حبيبي تاني .. حبيبي
ليل نهار فاكراه
رجعولي حبيبي تاني