حرصت الفنانة راندا البحيري على طمأنة جمهورها على حالتها الصحية بعد إجرائها عملية جراحية نتيجة تدهور حالتها الصحية خلال الأيام الماضية.
وقالت راندا البحيري في فيديو نشرته عبر حسابها الرسمي بموقع التواصل الاجتماعي “انستجرام”: أشكركم جدًا جدًا على اللي حصل الفترة اللي فاتت، الحمد لله إن أنا خرجت من المستشفى، كانت تاني عملية ويا رب يا رب تكون آخر واحدة بقى، تاني عملية في وقت قصير جدًا.
وأضافت: شكرًا على دعائكم وعلى أمنياتكم الحلوة الجميلة، وطبعا شفت رسايلكم وشفت قد إيه ناس كتير جدا كانت بتبعت لي وبتكتب لي كومنتات كويسة، بشكركم جدا طبعا الحياة ما بتوقفش ولازم تستمر، فأنا خرجت من المستشفى من كام يوم، لسه من حوالي تلات أربع أيام وابتديت أتحسن يعني.
وتابعت راندا البحيري قائلة: دلوقتي أنا في مطار القاهرة الدولي، اتحسنت نوعا ما بشكل كبير، ادعوا لي، ادعوا لي إن شاء الله إن أنا أتحسن أكتر وما شوفش شر أبدا، وإن شاء الله هستنى تعليقات صحابي اللي في قطر وفي الدوحة بالذات كلهم هنا في الفيديو ده، رايحة أعمل حاجة كده سريعة إن شاء الله وأرجع تاني القاهرة، وأشوفكم على خير وبحبكم جدا جدا وميرسي ليكم جميعا.
وعكة راندا البحيري الصحية
وفي سياق متصل، أجرت راندا البحيري منذ أيام عملية جراحية نتيجة تدهور حالتها الصحية خلال الأيام الماضية.
ونشرت راندا البحيري فيديو لها من داخل غرفة الإفاقة بالمستشفى، وذلك عبر حسابها الرسمي بموقع التواصل الاجتماعي “انستجرام”، وعلقت عليه قائلة: الحمدلله رب العالمين عملت العملية وخرجت، وبشكر كل الناس اللي سألت واطمنت عليا، وبشكر ابني وأبويا وأهلي وناسي كلهم، ودكتور محمد نبيل فريد، ودكتور أحمد عاصم.
وأضافت: دي تاني عملية في كام شهر، ومش تاني عملية في عملية في كام سنة، يا ريت تدعولي إنها تكون آخر عملية يا رب وأن صحتي تتحسن وأبقى كويسة بفضل الله وبإذنه، اللهم لك الحمد والشكر يا رب.