الفن

رد المطرب الشعبي عمر كمال على الجدل الكبير الذي حدث في الفترة الأخيرة بسبب أغنية “أنا الشيطان يا ملايكة”، مشيرًا إلى أن الأغنية تعود إلى 4 سنوات سابقة.

وقال عمر كمال في لقاء خاص لـ"بصراحة": أنا ما نزلتش الأغنية، الأغنية كانت من أربع سنين، وأنا بعتذر لأي حد شايف إن الكلام ده غلط. أنا ما أقصدش، وأنا استحالة أعادي الملايكة أو أقول حاجة مش كويسة.

وأضاف: لما لقيت عليها جدل، منعت نزولها، وبقول إن الأغنية ما نزلتش ومش هتنزل، وبعد كده هاخد بالي جدًا في انتقاء أغنياتي.

وفي سياق أخر 

كان قد اعتذر المطرب الشعبي عمر كمال بعد الجدل الذي أُثير حول أغنيته “يلا ملايكة يا منافقين"، مؤكدا أنها لم تطرح من الأساس للجمهور. 

وقال عمر كمال من خلال فيديو نشره عبر صفحته الرسمية بموقع التواصل الاجتماعي “فيسبوك”: أنا طالع أشرح لناس لغط، أو فى بوستات كتير شوفتها على موضوع أغنية كنت عاملها، عشان متفهمش غلط».

وأضاف: «من 4 سنين كنت بانفذ أغنية وكان فيها عبارة بتقول «أنا الشيطان السالك يا ملايكة يا منافقين»، وكان الغرض من الكوبليه ده إني أقول أنا وحش و انتو حلوين، أنا وحش ممكن يكون فيا حاجة حلوة، وانتو عاملين ملايكة بس فيكو حاجات كتير وحشة».

وتابع: «بعد ما خلصت الأغنية وسمعتها لناس حواليا قبل ما تنزل قالوا لي يا عمر الكلام ده مش حلو ممكن يتفهم بكذا معنى، فحاولت أغيره، وقفلت من الأغنية ومنزلتهاش».

وأردف: «فعلًا منزلتش الأغنية بسبب ممكن تكون كلمات فيها حرمانية وتجرأ على الملايكة، اللى يعرفنى يا جماعة يعرف إنى طالع من بيت متدين، ومفيش عقل ولا منطق يقول إنى أتجرأ على ربنا أو على ديني».

واختتم عمر كمال حديثه بالاعتذار عن تداول الكلمات، قائلًا: «معرفش ليه كل فترة حد يطلع يستخدم الكلمات دي وينزلها من أول وجديد ويعمل مشكلة، وباعتذر لأي حد سمع الكلام ده ومش فاهم حقيقة الموضوع».