كشف الفنان محمد خميس عن موقفه من فكرة الإنجاب، مؤكدًا أنه اتخذ قرارًا بعدم الإنجاب منذ سنوات، موضحًا أن وجهة نظره قد تبدو صادمة للبعض، لكنه يرى أن الظروف الحالية التي يعيشها العالم لا تشجع على اتخاذ هذه الخطوة.
جاء ذلك خلال استضافته في برنامج «استوديو مع حسام داغر»، حيث تحدث محمد خميس بصراحة عن أسباب رفضه للإنجاب، قائلًا: “أنا واخد قرار إني مخلفش من زمان، هو قرار يبان صادم لبعض الناس، بس أنا بصراحة، وأنا عارف إن الناس بتزعل مني لما بقول الكلام ده، بس أنا ما بجبرش أي حد على وجهة نظري”.
وأضاف: “أنا شايف إن الحياة مرهقة جدًا وظالمة إلى حد كبير، والظروف اللي بنعيش فيها دي أصعب من إننا نجيب أحب حد لينا في الحياة عشان يعيش في الظروف دي”.
محمد خميس: «إحنا ليه هنخلف؟»
وتساءل الفنان خلال اللقاء عن الأسباب التي تدفع البعض إلى الإنجاب، موضحًا أنه لا يرى مبررًا كافيًا لجلب طفل إلى الحياة ليواجه ما وصفه بالظروف الصعبة.
وقال: “أنا عايز أعرف دلوقتي إحنا ليه هنخلف؟ إيه الغرض؟ أنا دلوقتي هخلف علشان إيه؟ الناس كلها بتقول لك إيه عشان واحد يشيل اسمك أو تحس بإحساس الأبوة”.
وتابع: “الطفل اللي هجيبه هيعيش رحلة مرهقة جدًا بتفاصيل مرهقة جدًا، وأنا هكون متدخل فيها بشكل كبير جدًا، وهو أحب شخص ليا في الحياة، هجيبه عشان يتمرمط هذه المرمطة؟ إيه مبرر ده”.
كما أشار محمد خميس إلى أنه يرى أن فكرة الإنجاب قد تحمل جانبًا من الأنانية، قائلًا: “أنا شايف عندنا ما يكفي من البني آدمين عشان يشيلوا الرايات بتاعة اللي قبلهم، والموضوع ده لا يخلو من شيء من الأنانية، قائم على فكرة إن أنا يبقى لي حد يشيل اسمي أو حد يبقى وريث ليا”.