الرياضة

كشف محمد مصطفى علي الشامي، لاعب منتخب مصر للمصارعة الحرة، عن أسباب مغادرته بعثة المنتخب بشكل مفاجئ أثناء رحلة العودة إلى القاهرة.

وكان الشامي قد غادر بعثة المنتخب المصري أثناء توقفها في العاصمة الإيطالية روما، خلال رحلة ترانزيت، قبل استكمال البعثة طريقها إلى مصر.

أول تعليق من المصارع محمد الشامي

كتب الشامي عبر صفحته على موقع التواصل الاجتماعي "فيسبوك": "أنا اللاعب محمد مصطفى علي الشامي، لاعب منتخب مصر للمصارعة الحرة. بعتذر من والدي ومن أسرتي على كل اللي حصل، ومكنتش أتمنى أبدا إني أوصل للمرحلة دي. المصارعة كانت وما زالت جزء كبير من حياتي، بدأتها من وأنا عندي 7 سنين، وعشت سنين طويلة بحلم إني أرفع علم مصر وأحقق إنجاز يفضل فاكرينه".

واستكمل: "الحمد لله، قدرت أرفع علم بلدي في بطولات أفريقيا وبطولات دولية كتير، وكان أكبر حلم عندي إني أحقق ميدالية أولمبية وأوصل لأعلى مكان ممكن في الرياضة اللي حبيتها وعشت عمري كله عشانها".

وأشار إلى: "لكن في لحظة معينة، حسيت إن والدي تعب، وإن الحياة بقت صعبة عليه، وأنا أكبر إخواتي، فكان لازم حد يضحي ويتحمل المسؤولية".

وأضاف: "أنا بعتذر مرة تانية لوالدي ولأسرتي، وبعتذر لكل شخص وقف جنبي وساعدني وساندني في مشواري، ومش هنسى أبدا وقفة أي حد معايا".

وفي السياق ذاته قال: "بس غصب عني أنا لقيت نفسي كبرت ومبقتش عارف أطلب من والدي حاجة، والدعم اللي بيجيلي ميخلنيش أعيش حياة كريمة، وأنا لازم أأمن نفسي وأأمن حياتي، وده مش موجود، فكان لازم ده يحصل، لأن أنا لو لا قدر الله كان حصل إصابة مكنتش هلاقي، أو بطلت مصارعة مكنتش هلاقي دعم بعد كل اللي أنا حققته من إنجازات. يمكن الطريق اتغير، ويمكن الحلم اتأجل، لكن الحلم نفسه لسه موجود".