رد مصطفى كامل على انتقادات الناقد الفني طارق الشناوي، مؤكدًا أنه لا يحب أسلوبه في التعامل مع رموز الفن، منتقدًا ما وصفه بتطاوله على عدد من الفنانين والنقابات.
وقال مصطفى كامل: «أنا مبحبوش خالص ومش بنكر ده، دي حقيقة وأنا بقولهاله على طول، وأنا شايف إنه غير مؤثر خالص في الوسط الفني والثقافي. أنا أعرف ماجدة خيرالله والأستاذ علي أبو شادي، ماذا أثرت أنت في الوسط الفني؟ اذكر لي حاجة أثرت في تاريخه».
وأضاف مصطفى كامل، موجهًا حديثه إلى طارق الشناوي: «وبرضه بتتطاول في حق الفنان محمد فؤاد ومصطفى قمر، إنت إزاي بتتطاول على النقابات كده؟».
وتابع مصطفى كامل انتقاده لطارق الشناوي، قائلًا: «إنت إزاي رجل ناقد فني وبتروح مهرجانات، وبتقف تتصور بهذا الوضع؟ إزاي بتقف تتصور وحاطط إيدك في وسطك، وإنت أصلًا بتطلع تنتقد الفنانين ولبس الفنانين وكلام الفنانين والمصورين؟».
واختتم مصطفى كامل حديثه بالتأكيد على رفضه لطريقة طارق الشناوي في انتقاد رموز الفن، قائلًا: «هو على طول بيتطاول على رموز الفن عندنا هنا في مصر».