علق الإعلامي تامر أمين على الجدل المثار حول الفنان محمد رمضان، بعد تراجعه عن خلع التيشيرت خلال إحدى حفلاته، مشيرًا إلى أن رمضان نشر بنفسه مقطعًا يتضمن صوت نقيب الموسيقيين مصطفى كامل، وكأنه تذكر تحذيراته في اللحظة الأخيرة.
وقال تامر أمين خلال حديثه: "محمد رمضان وهو بيغني ومُسخّن ومسك التيشيرت وكان لسه هيقلعه، وبعدين أما هو بنفسه ناشر وكتب قالك تذكرت صوت نقيب الموسيقيين مصطفى كامل، فراجع تاني ورجع التيشيرت".
وأضاف: "دي حركة ذكية ومحمد تفاعل حلو كمان على السوشيال ميديا، هو ذكي جدًا في إدارة نفسه وإدارة السوشيال ميديا والتفاعلات بتاعته".
وتساءل تامر أمين: "هل نقابة الموسيقيين ترد عليه وتحاسبه عشان في الجدل ده للأبد؟ وهل ما يقوم به محمد رمضان إنما يقدم حفلة؟"
وأوضح: "جينا بعد المفروض واحد واقف ومسك مايك وبيغني، والشاهد واللي شفناه واللي عارفينه طول عمره محمد رمضان إنه لأ، محمد رمضان ما بيعملش كده".
وتابع: "هل في نقابة الموسيقيين في حاجة اسمها حفلة استعراضية؟ يعني حفلة استعراضية مش حفلة طربية، مش حفلة اللي بنغني فيها، مش حفلة اللبس، مش حفلة الرقص".
واستكمل: "دول المطربين، المطرب بيقول ليلي عينه وعرب وحاجات طربية. أما محمد رمضان بيعمل حاجة تانية، وإنتوا عارفين يا نقابة المهن الموسيقية محمد رمضان بيعمل حاجة تانية".
وأضاف موضحًا: "الحاجة التانية دي اسمها إيه؟ اسمها حفلة استعراضية. اللي هو برا اسمه شو، يعني الناس رايحة مش رايحة تسمع طرب، الناس رايحة تتفرج على شو له علاقة بالإضاءة، بالتأثيرات الصوتية، وبالحركات الاستعراضية اللي بيعملها محمد، أو الفرقة الاستعراضية اللي معاه".
وأشار إلى أن دخول محمد رمضان الحفل داخل سيارة جزء من العرض، قائلًا: "بما في ذلك دخوله بالعربية اللي إنتوا شفتوها، العربية الكبيرة. ده جزء من الطرب؟ لأ، ده جزء من الشو".
واختتم تامر أمين حديثه متسائلًا عن ضرورة وجود تصنيف واضح للحفلات: "السؤال، سواء بقى قلع لبس، يعني طبعًا بس بتكلم على المبدأ، لأنه عليه تصريح لحفلة طربية دي لها مواصفات، حد عليه تصريح لحفلة استعراضية دي لها مواصفات".
وتابع: "لازم يتحاسب، لأنه كل مرة يبقى فيه جدل ده، كل مرة نقوله هو ده لأ، فيقولك لأ هو أنا ما بعملش، والقصة كده كتيرة لازم نحاسب. وبعدين ما هو على الأقل... ولا هو قلع غلط يعني؟ صح صح، باحترامي احترامي، الحياة حياة".