تداول رواد مواقع التواصل الاجتماعي مقطع فيديو يوثق لحظة العثور على عدد من المستندات الرسمية داخل أوراق كانت مخصصة لتغليف طلبات أحد مطاعم الفول والطعمية، لتكشف الأوراق عن وجود بيانات شخصية وصور لبطاقات رقم قومي تخص عملاء حقيقيين.
وبحسب ما ظهر في الفيديو، تضمنت المستندات عقودًا وبيانات شخصية وأوراقًا تحمل أختامًا وبيانات مرتبطه بإحدى شركات المحمول، وهو ما دفع صاحب المطعم إلى التواصل مع الشركة للاستفسار عن مصدر هذه الأوراق، قبل أن يروي تفاصيل ما حدث معه خلال الفيديو.
قائلاً في الفيديو: اسمي عماد حنفي العباسي من المرج، فاتح مطعم صغير ومعايا عربية ساعات بشتغل أوبر، بروح أجيب ورق بعملة أراطيس عشان الطعمية، ف وأنا قاعد بعملها لاقيت صور بطايق كتير بتقابلني كل ورقة تقابلني فيها صورة بطاقة.
مستكملاً: أول حاجة بصيت عليها التاريخ وكان في 2025 فـ قولت الورق دة جديد، الورق دة مينفعش يطلع من الشركة إزاي الورق دة يطلع من الشركة.
موضحاً: أول حاجة عملتها كلمت خدمة العملاء، وقولتلهم أن أنا لاقيت الورق دة يرد عليا يقولي يقولي هات الورق و تعالى سلمه متشكرين.
واستكمل قائلاً: طب أنا شاري الورق ده بـ فلوس وهاخد مواصلات قولت مش رايح و ركنت الورق، بس لما حصل مشكلة الخطوط دية، قولت لازم أطلع أعرف الناس بيانتها بتتسرب إزاي، الكلام ده لو بيطلع بعلم الشركة دية مصيبة ولو بيطلع بدون كلم الشركة دية مصبتين.
وانفعل قائلاً: إزاي شركة زي دي فيها كاميرات وفيها محاسبة ويطلع منها ورق زي دة، طب دول جولي وخت بالي منهم في قد إيه راح لـ ناس تانية، يجماعة في تقصير من شركات الإتصالات، إزاي ورق لما دة يبقا في إيد بتاع الطعمية كدة تقصير في شركات الإيصالات.
مستكملاً: أنا واحد من الناس أتنصب عليا، واحد اتصل بيا قالي عشان أنشت الفيزا عشان في عمليت تحويل جيالك وملاني بياناتي، رقم بطاقتي و عنواني، وطلب اقولة رقم الفيزا، وجهاز بنتي راح.
واختتم منفعلاً: هو انتوا محدش بيحاسبكوا، يعني بيانات الناس دي اللي بتاخد بيها قروض، يعني ده يرضي ربنا ده ياجدعان حرام عليكوا، الراجل اللي هيتحبس ظلم ده م بسبب صورة بطاقة، الخلل جي من هنا .