كشفت سامية الجمل، والدة الطفلة مكة، تطورات الحالة الصحية لابنتها، بعد صرف دواء للصرع لها بدلًا من دواء لعلاج نزلة برد، نتيجة خطأ في صرف الدواء المرتبط بالروشتة العلاجية.
«مكة أحسن لكن ما زالت تعاني من مضاعفات»
وقالت سامية الجمل، خلال مداخلة هاتفية مع الإعلامي تامر أمين في برنامجه «آخر النهار» المذاع على قناة «النهار»: «مكة أحسن، لكنها ما زالت تعاني من مضاعفات بسبب حصولها على دواء صرع بدلًا من دواء لعلاج نزلة البرد».
«لطف ربنا ودعاء الناس أنقذوا مكة»
وتابعت: «إحنا كنا في كارثة، ولطف ربنا ودعاء الناس لها هو اللي قوم مكة بالسلامة من تاني».
الأم: «اللي حصل مش غلطة دكتور»
وأضافت سامية الجمل: «اللي حصل مع بنتي مكة مش غلطة دكتور، وخط الطبيب في الروشتة كان واضح، واللي صرف لي الدواء من الصيدلية أكيد مش صيدلي».
«الروشتة لطبيب أطفال والدواء لمخ وأعصاب»
وأوضحت: «الروشتة خاصة بطبيب أطفال، لكن الدواء المصروف لي خاص بمخ وأعصاب، وأكيد اللي صرف لي الدواء مش صيدلي»، مضيفة: «اسم الدواء المقصود في الروشتة قريب من اسم الدواء اللي أخدته ابنتي».