أعلن أحمد عبدالرحيم إيشو، لاعب الفريق الأول لكرة القدم بنادي الزمالك، تجديد عقده مع القلعة البيضاء ومواصلة رحلة بالقميص الأبيض.
أول تعليق من إيشو بعد تجديد عقده مع الزمالك
كتب إيشو عبر حسابه الشخصي على فيسبوك: «اليوم مش مجرد توقيع على عقد جديد، لكنه تأكيد على حكاية عمرها ما كانت مرتبطة بورقة أو رقم».
وتابع: «الزمالك هو المكان اللي بدأت فيه أول خطوة في مشواري، والنادي اللي اتعلمت فيه معنى الانتماء، وقد إيه القميص ده له قيمة ومسؤولية كبيرة وفضل كبير عليا».
وأضاف: «طول الوقت كنت مؤمن إن واخد القرار الصح واللي أي حد يتمناه وعشان كده كان هدفي إني أكمل في المكان اللي بحبه، وسط جمهور عمره ما كان مجرد جمهور بالنسبة لي، لكنه جزء من كل لحظة عشتها داخل النادي».
وواصل: «في زمن بقت فيه الشائعات أسرع من الحقيقة، أتمنى إن محدش يصدق كل كلمة بتتكتب أو تتقال على السوشيال ميديا، لأن الحقيقة عمرها ما كانت كلها هناك».
وأكمل: «اللي يعرفني بجد، عارف أنا مين، وعارف قد إيه الزمالك بالنسبة لي حاجه كبيره و بيتي فعلا الاتربيت فيه وإن انتمائي عمره ما كان بالكلام».
واختتم: «الحكاية مستمرة، وإن شاء الله اللي جاي يكون أجمل وأحسن وأقدر أرد جزء بسيط من حب وثقة جمهور الزمالك داخل الملعب، لأني في الآخر واحد منكم، وفخور إني كبرت وسطكم».
