احتفلت الفنانة أسما شريف منير بنجاح أولى حفلات والدها على خشبة دار الأوبرا المصرية بصحبة فرقته نوستالجيا، وذلك من خلال منشور كتبته عبر أحد مواقع التواصل الاجتماعي.
ونشرت أسما شريف منير عدة صورا من داخل الحفل، وذلك عبر حسابها الرسمي بموقع التواصل الاجتماعي “انستجرام”: في ناس بتفتكر إن الأحلام ليها وقت… وإن لو الوقت عدى، يبقى خلاص.بس الحقيقة إن الحلم الحقيقي عمره ما بيروح، ممكن يتأجل، ممكن الحياة تاخدنا في طرق تانية، لكن لو فضل عايش جوانا هييجي يوم ونرجعله.
وأضافت: إمبارح وأنا بقدم أبويا على مسرح دار الأوبرا المصرية، كنت مش فخورة إنه واقف قدام جمهور كبير وبس…
كنت فخورة إنه قرر يتمسك بحلمه، ناس كتير تعرف شريف منير الممثل، لكن قليل اللي يعرفوا إن الموسيقى كانت أول حب في حياته، وإنه عمره ما سابها، حتى وهو بيحقق نجاحات في طريق تاني.
وتابعت: بعد سنين رجع لحلمه، واشتغل عليه، وطوره، وبدأ من جديد، لحد ما بقى واقف على مسرح الأوبرا، ومعاه فرقة اسمها “نوستالجيا”، بتفكرنا إن أجمل الذكريات ممكن نعيشها تاني عادي…يمكن دي كانت أكبر رسالة خرجت بيها امبارح.
واختتمت: إن مفيش حلم بيتأخر، فيه حلم محتاج صاحبه يفضل مؤمن بيه، ويشتغل عليه، ويستنى وقته، فخورة بيك، وفخورة إني قدمتك لحظه علي خوانه كده بس عمري ما هنساها، اسمحوا لي أقدم لكم الفنان شريف منير.” تحفه وأتمنى كل واحد عنده حلم مؤجّل، يفتكر إن كلمة “لسه” أحسن بكتير من كلمة “فات الأوان”.
حفل شريف منير بدار الأوبرا المصرية
وأحيا شريف منير بالأمس بصحبة فرقة نوستالجيا حفلا على خشبة مسرح دار الأوبرا المصرية.