يواجه الطفل “محمد سامح” الذي يبلغ من العمر 7 سنوات المقيم بقرية بساتين الإسماعيلية التابعة لمركز بلبيس بمحافظة الشرقية حالة صحية حرجة جداً نتيجة إصابته بمرض ضمور العضلات دوشين ،وهو مرض وراثي نادر يهاجم الخلايا العضلية ويؤثر بشكل مباشر على قدرته على الحركة.
ظهر الطفل و عائلته في لقاء تليفزيوني خلال برنامج تجربتي المذاع على قناة النهار إنتي مع الإعلامي"أدهم الرويني" ،وحكى فيها والده ووالدته قصة مرض الطفل .
خلال اللقاء ذكروا أنه يحتاج بشكل عاجل إلى حقن جيني (Exondys 51) لإنقاذ حياته ،وتبلغ قيمتها 27 مليون جنيه مصري مقسمة على جرعتين ،قيمة الجرعة الأولى منها 13.5 مليون جنيه.
وقال والده: لاحظنا أن عنده ضعف في الحركة في طلوع السلم كان لازم يسند على رجله ولو قعد على الأرض مش بيقدر يقوم ،واتعرضنا على دكاترة كبار كتير وعملنا كل الفحوصات ،لكن اتشخص بعد فترة طويلة… الموضوع ب ايد ربنا دا ابتلاء ،ولازم اصبر عليه حتى لو اشتغلت 10 شغلانات مش هقدر أوفر 27 مليون جنيه… كل ما يشوف في إيدي فلوس يقولي دي اللي هتجيب الحقنة عشان اقدر اجري زي صحابي.
وقالت والدته: محمد بقا عصبي جدا بس بنحاول نتعامل عشان نفسيته متتأثرش… كل يوم باخده يعمل علاج طبيعي ومائي وباقي اليوم أدوية… بتمنى أي علاج ينزل عشان محمد واللي زيه يتعالجوا… وكل اللي بيقابله و بيتصور معاه ويدعيله.
وتابعت والدته: لقينا حقنة كعلاج نهائي لكن تمنها 3 مليون دولار يعني بالمصري 150 مليون جنيه ومش موجودة غير في أمريكا ولسه عليها تجارب.