هنأت الفنانة الشابة ملك زاهر خطيبها السيناريست شريف الليثي بأول أفلامه خلي بالك من نفسك بطولة أحمد السقا وياسمين عبدالعزيز عقب انطلاق العرض الخاص به أمس بإحدى السينمات.
ونشرت ملك زاهر عدة صورا من داخل العرض الخاص للفيلم، وذلك عبر حسابها الرسمي بموقع التواصل الاجتماعي “انستجرام”، وعلقت عليها قائلة: مفيش كلام في الدنيا يقدر يوصف قد إيه أنا فخورة بيك. إني أكون جنبك، ماسكة إيدك، وأشوفك وإنت بتحقق أحلامك واحدة واحدة قدامي، ده إحساس أكبر من أي كلام ممكن أقوله.
وأضاف: أشوفك بتتألق وبتنجح بيفرحني أكتر من أي حاجة تانية، قلبي عمره ما كان مليان بالسعادة والفخر بالشكل ده. وبصراحة مش فاكرة إني فرحت بأي نجاح حققته أنا زي فرحتي بنجاحك.
واختتمت: وده لسه أول الطريق يا حبيبي. أنا عارفة قد إيه إنت مميز ومختلف وموهوب، وعارفة إن مستنيك مستقبل كبير جدًا، إنت اتخلقت عشان تعمل ده، وأنا هفضل دايمًا جنبك، بدعمك وبشجعك في كل خطوة، فخورة بيك أوي يا حبيبي. مبروك أول فيلم ليك، ومستنية كل النجاحات واللحظات الجميلة اللي جاية في طريقك.
العرض الخاص لـ فيلم خلي بالك من نفسك
وأٌقيم بالأمس العرض الخاص لـ فيلم خلي بالك من نفسك بإحدى السينمات بحضور أبطال العمل، بالإضافة إلى كوكبة من النجوم والمخرجين والإعلاميين والصحفيين.
أحداث فيلم خلي بالك من نفسك
وتدور أحداث فيلم خلي بالك من نفسك في إطار كوميدي حول زوجين يواجهان العديد من الخلافات والمشكلات المتكررة، مما يجعلهما يواجهان العديد المواقف الطريفة وغير المتوقعة.
فريق عمل فيلم خلي بالك من نفسك
ويضم فريق عمل فيلم خلي بالك من نفسك عدد من النجوم منهم أحمد السقا، وياسمين عبدالعزيز، ولبلبة، ومحمد رضوان، ومصطفى أبو سريع، والعمل من تأليف شريف الليثي، وإخراج معتز التوني.