أكد علي محمود، لاعب الأهلي الجديد، أن ارتداء القميص الأحمر يمثل مسؤولية كبيرة، مشددًا على عزمه تقديم أفضل ما لديه من أجل تلبية طموحات جماهير النادي خلال الموسم المقبل.
تصريحات علي محمود
وقال علي محمود: “اللعب للنادي الأهلي مسؤولية كبيرة، ولازم طول الوقت تبقى مركز وبتتمرن كويس وتجتهد على قد ما تقدر وتجيب آخرك، لأنها مسؤولية مش أي حد يقدر يشيلها، وإن شاء الله ربنا يقدرنا عليها.”
وأضاف: “نوعد جمهور الأهلي إننا هنكون على قد المسؤولية، وإن شاء الله هنحقق كل حاجة. أنا عارف إن جمهور الأهلي مبيقبلش بأي حاجة غير المركز الأول، وده هدفنا في كل البطولات الموسم الجاي.”
وتابع: “أنا اتربيت جوه النادي وعارف شخصية وهوية الأهلي، وإنه دايمًا بيلعب على المركز الأول. وأنا صغير كنت بشوف اللاعيبة الكبار مبيقبلوش غير بالبطولات، ودي ثقافة النادي.”
واختتم تصريحاته قائلًا: "جمهور الأهلي رقم واحد، وإحنا مستنيين دعمهم ووجودهم في ضهرنا، وإن شاء الله بمساندتهم نقدر نحقق كل البطولات."