أعرب المنتج أحمد السبكي عن حزنه الشديد وغضبه بسبب أحداث مباراة منتخب مصر والأرجنتين، مؤكداً على الظلم الشديد الذي تعرض له المنتخب الوطني، وانتقد التبديلات التي قام بها الكابتن حسام حسن.
وقال المنتج أحمد السبكي خلال لقائه بموقع بصراحة ضمن فعاليات العرض الخاص لفيلم شمشون ودليلة: "أنا مش عاوز أتكلم على ماتش امبارح بتاع تلاتة اتنين دا عشان الماتش كان بتاعنا وضاع من إيدينا والحكم جاه علينا وظلمنا والناس لحد دلوقتي حزينة، وأنا من الناس اللي منمتش بسبب الماتش دا، إحنا كان فاضل لينا عشر دقايق ونفرح".
وأضاف: "إحنا مخسرناش بسبب الحكم، أيوه هو الحكم عنده أخطاء تمام أنا مقتنع بدا، وبرضو إحنا عندنا أخطاء برضو عشان نخلص، فاضلنا تسع دقايق، أنا ليه أنزل تريزيجيه؟ لا دا غلط، لازم الوقت دا أدافع، يبقى أنزل حسام عبدالمجيد، وليه أنزل مرموش؟ أنزل مرموش يبقى أطلع صلاح".