أعربت الإعلامية أسما شريف منير عن حبها الشديد لبلادها مصر، مؤكدا أنها على استعداد فعل أي شيئ من أجلها.
ونشرت أسما شريف منير عدة صورا لها عبر حسابها الرسمي بموقع التواصل الاجتماعي “انستجرام”، حيث ظهرت من خلال راسمة علم مصر على وجهها، وعلقت عليها قائلة: أنا بجد ممكن اموت عشان بلدي، يعني في اخر الزمان لو كنت عايشه هنزل احارب مش هقعد في البيت، بحبك يا مصر زي ما بحب اهلي، بنتي، و اموت فداكي عادي بجد عادي.
وفي مايو الماضي، تحدثت أسما شريف منير عن مدى تأثير ارتداء الحجاب على حياتها، مؤكدة أنها ساهم في تغيير وجهة نظرها عن العديد من الأشياء في الحياة.
وكتبت أسما شريف منير عبر حسابها الرسمي بموقع التواصل الاجتماعي “انستجرام”: عالم كامل اتفتحلي، مش بس في اللبس، في الطريقة اللي بتفكري بيها في نفسك وفي جسمك وفي الصورة اللي بتقدميها للدنيا.
وأضافت: بدأت يجيلي أفكار كتير عن إزاي المحجبة تلبس صح، مش بس محتشم، لا.. صح فعلاً يعني يناسبك ويناسب معاييرك ويفتح نفسك في نفس الوقت، ومع الوقت الأفكار دي بقت كتير جداً لدرجة إني فكرت في حاجة أكبر.. براند modest wear بيتكلم عن الست دي بالظبط.
وتابعت: أنتم كمان من زمان بتبعتولي رسايل “ليه مش بتعملتي براند عملي وإحنا هنشجعكم، يعني الفكرة مش بس في دماغي، هي عندكم برضه، اللي بيوقفني مش الفكرة، الفكرة واضحة وأنا واثقة فيها وكمان ضمنه المكسب الحلال من غير شكوك، اللي بيوقفني هو: المصانع، الشحن، المرتجعات، الرسايل، الشكاوي، والفلوس الكتير في الأول
واختتمت: دي كل ما أقرب منها بترجعني مليون خطوة، فعايزة أسمعكم فعلاً، أولاً: أعمل ده فعلاً ولا فاكس، تانياً: لو عندكم تجارب أو ناس موثوقين في المصانع أو المجال ده، شاركوني، تالتاً: في حد فعلاً عايز يساعد في الموضوع ده، سواء خبرة في الصناعة أو اللوجستيات أو حتى مجرد حماس وتشجيع، أنا محتاجة أسمع منكم.