رد الفنان أحمد السعدني على الانتقادات التي وُجهت له من الجمهور بعد احتفاله بفوز منتخب مصر على نيوزيلندا، ووصفهم إنها طريقة احتفاله غير لائقة.
وكتب أحمد السعدني عبر حسابه الرسمي بموقع التواصل الاجتماعي “فيسبوك”: يا جماعه كفاية هري الله يكرمكم انا اتفرجت علي الماتش و فرحت و كتبت تويته و نمت ادمن الصفحة اجتهد يعمل فيديو يبقي دمه خفيف، لما صحيت لقيته غير لائق و غير مناسب للحدث اصلاً فطلبت منه يشيله لا حد كلمني ولا طلب مني اشيله، ربنا يكرمنا و نكمل البطولة علي خير ده المهم.
وأضاف: بالمناسبة كمان انا لو كاتب أو منزل حاجة و مقتنع بيها مش حشيلها لو حصل ايه، مش عشان أنا جامد لا عشان معنديش أجندة وأي حاجة مؤمن بيها بتكون من وجهة نظري للصالح العام، أنا بحب بلدي و بس.
انتقاد أحمد السعدني
وتعرض أحمد السعدني لانتقادات خلال الساعات الأخيرة بعد نشر فيديو له، وهو يرقص من أحد مشاهد مسلسل سيب وأنا سيب، حيث اعتبره البعض إنها طريقة غير لائقة للاحتفال بهذا الحدث.