احتفلت الفنانة ليلى علوي بفوز المنتخب المصري على نيوزيلندا ضمن فعاليات كأس العالم 2026.
ونشرت ليلى علوي فيديو من جانب احتفالها، وذلك عبر حسابها الرسمي بموقع التواصل الاجتماعي “انستجرام”، وعلقت عليها قائلة: مصر بتفكر العالم إن الحلم لسه عايش وإن الفرحة لما بتطلع من قلب المصريين بتبقى غير أي فرحة، النهارده كان أكتر من مجرد فوز دا كان لحظة فخر لحظة أمل ولحظة جمعت قلوب المصريين في كل مكان على نفس الدعوة ونفس الفرحة.
وأضافت: من أستراليا كان قلبنا معاكم في كل دقيقة عشنا الماتش بكل إحساسه وبفرحته الكبيرة، مبروك لمنتخبنا فوز غالي وروح عظيمة شرفتونا فرّحتونا ورفعتوا راسنا قدام الدنيا كلها، دايمًا فخورين بيكم في أي وقت وفي أي مكان لأن مصر لما بتفرح فرحتها بتوصل لكل ولادها مهما كانت المسافات بعيدة ، مبروك يا منتخبنا الغالي مبروك يا مصريين، لسه الحلم مكمل ولسه مصر قدّها وقدود تحيا مصر.