الفن

كشفت الفنانة شمس المغربي،  طليقة الفنان سعد الصغير تعرضها للضرب وإجهاض جنينها من قبل طليقها.

وقالت شمس في فيديو نشرته عبر حسابها بموقع التواصل الاجتماعي “فيسبوك”: أنا شمس وبقدم طلب لمعالي النائب ضد المدعو سعد محمود حنفي وصبري نخنوخ..قاموا بخطفي أنا وبنتي اللي عندها 7 شهور من إسكندرية ا بإختطافي من إسكندرية إلى القاهرة، وقاموا بقتل وتقطيع رضيعتي وهي في عمر 7 شهور و15 يوم وإمضائي على قد زواج بالإكراه للمرة الثانية، والعقد بيقول إنه هو لم يلمسني، 

وأضافت: وقاموا بضربي وعملوا لي عاهة مستديمة، وأنا بلاغي ضد سعد الصغير اللي بيعمل جرايم الدنيا ومحدش بيحسبه، وأنا بقدم استغاثة من ساعة ما تخطفت من 2011 ومحدش عمل لي حاجة وقتها، وأنا بطالب للمرة المليون بالتحقيق في قضيتي، إنهم خطفوني وفتحوا رحمي بالعافية بإبرا وقطعوا بنتي الرضيعة حتت ورموها في الزبالة. 

 واختتمت: عدت سنين وشهور وكان بيتحايل عليا ارجع لي، وراح عملي محضر وهددني لو مرجعتلوش وعايزني ارجع له بالعافية، ، وأنا مش عايزة اطلع تريند لأن الموضوع بقاله عشر سنين، ومرات أخو سعد كان حامل وبعتلها اتنين ستات أجهضوها وعملوا لها عاهة مستديمة في ضهرها، وشردها وسرق فلوس ومش عايز يديها حقها من ورث جوزها، ده غير إنه حط لي مخدرات في عربيتي علشان، وبلغ عني علشان ارجع له بالعافية. 

أزمة سعد الصغير وشمس

وفي سياق متصل، علق سعد الصغير عن أزمته مع المطربة شمس بوجود علاقة سابقة بينهما، واتهامه بإختطافها وإجهاض جنيها بمساعدة رجل الأعمال صبري نخنوخ.

وقال سعد الصغير في تصريح خاص لـ «بصراحة»: الست دي معاها ورقة مفيهاش اسامي ولا صور ولا حتى شهود فهي بالتاكيد مزورة واسالوها الناس اللي اتخطفت معاها راحوا فين،  حتى اختها اللي اتخطفت معاها مش عايز تطلع تتكلم ليه

وأضاف: طيب الراجل ممضيكي على دفتر وصلات أمانة،  معقولة من 2009 مش عارف يرفع عليكي قضية والله العظيم دفعت لي 50 الف دولار علشان مزلش الفيديو اللي ببوس رجلها فيه، هي جاية مع أي تريند ادفع وخلاص والبلد فيها قانون،  وأنا مش هعلي على ايه وانا اتسجنت قبل كده.

اتهامات شمس لـ سعد الصغير 

وقدمت شمس بلاغا ضد سعد الصغير ورجل الأعمال صبري نخنوخ تتهمه فيها باختطافها وإجهاض جنينها.