أبدى الفنان محمد التاجي استياءه من بعض الممارسات على خشبة المسرح، منتقدًا تأخر إحدى المطربات في الظهور حتى بعد بدء عزف المقدمة الموسيقية، معتبرًا أن ذلك لا يليق بقيمة العمل الفني ولا يراعي الجهد الذي يبذله أعضاء الفرقة الموسيقية والمايسترو والملحن في تقديم الأغنية للجمهور.
ونشر الفنان محمد التاجى منشور عبر حسابة الشخصى بموقع التواصل الأجتماعى “فيسبوك ”وقائلا :" المطربة اللي بتطلع علي المسرح بعد ما الأوركسترا بيبتدي عزف المقدمة الموسيقية للأغنية اللي هتغنيها كلمه في ودنك ده يعتبر عدم أحترام للعازفين والمايسترو والملحن اللي تعب نفسه في تلحين الأغنية ".
واضاف : “ ثم ان الست ام كلثوم كانت الستارة بتتفتح وهي قاعدة في وسط فرقتها عزوتها عبد الحليم فايزه ورده نجاة شاديه كل الكبار مفيش حد فيهم عمل اللي بتعمليه ده ”.
واختتم :" حاجه تانيه بطلي تغني أغاني الست أم كلثوم عشان أم كلثوم ماكانتش بتغني بالسهوكة اللي أنتي بتغني بيها أغانيها فبتبوظي كل العظمة اللي سابتهالنا في تراثها الفني العظيم وبتشوهيه ".