تحدث رجل الأعمال أبو النجا نجاتي، عن بعض الأرقام الخاصة بطرح spacex الذي تمكن من كسر الـ 2 تريليون دولار، خلال الساعات الأولى.
بعض أرقام spacex
الإيرادات السنوية:18.67 مليار دولار، حيث تشكل "ستارلينك" (Starlink) حوالي 60% من المبيعات
الخسائر الأخيرة: تم الإفصاح عن صافي خسارة قدرها 4.28 مليار دولار في الربع الأول، وذلك عقب خسارة بلغت 4.94 مليار دولار في العام السابق
مشتركو ستارلينك وصل عددهم إلى حوالي 10.3 مليون مستخدم عالمياً
شبكة الأقمار الصناعية تُشغّل الشركة حالياً كوكبة مكونة من حوالي 9,600 قمر صناعي
المستهدف مستقبلاً: يهدف الرئيس التنفيذي إيلون ماسك إلى توسيع الشبكة لتصل إلى 100,000 قمر صناعي من الجيل التالي
الرحلات : أكملت الشركة 18 مهمة (تجارية وتابعة لوكالة ناسا) منذ عام 2020.
رجل الأعمال أبو النجا نجاتي
نشر أبو النجا نجاتي، عبر حسابه على فيسبوك: “في مصر علشان تطرح شركة في البورصة لازم تكون بتكسب.. يعني نظريا و علشان بس نفهم الموضوع قد ايه غريب لو ايلون ماسك كان اسس الشركة دي في مصر مكنش عرف يعمل الطرح ده”.
وأضاف: "طبعا عادي يبقي رأس مال في السجل 250.000 علشان مينفعش نرفع راس المال غير بالأسلوب التقليدي بتاع لف الفلوس و ايداع و سحب و جامعية و كدة او " اصول ثابتة" بس التكنولوچيا او صناديق موافقة علي تقييم عالي لأ و كدة خليني ساكت بقي".
وتابع: "السؤال المرة سألته في اجتماع و اثار الضحك “ لو انا شركتي تكنولوچبا و بتكسب هبقي عايز اطرحها في البورصة ليه اصلا انا هبقي عايز اطرح اللي تخسر بس فيها نمو علشان نلم فلوس و نكبر الشركة بيها و السهم يزيد و المستثمرين تكسب بجد بس لو بتكسب ليه ناخد دوشة الطرح و الافصاح و التفاصيل الكتير”.
وواصل: "مفيش اي سبب واضح اطرح شركة تكنىلىچيا في بورصة مصر طول ما لازم تبقي بتكسب و لازم السجل يبقي راس المال فيه لفزفي البنك تخيل اسلون ماسك في الموقف دة هياخد تريليون يروح بيه البنك يرفع راس المال مثلا.
وأكمل: "طول ما مفيش شركات حقيقية بتاعة تكنولوچيا ممكن تتطرح في مصر و هي بتخسر و السجل التجاري ممكن يترفع القيمة فيه باتفاق المستثمرين الجدد علي القيمة للشركة و البورصة تسمح للشركات البتكبر و بتخسر انها تخش البورصة هتفضل بورصة مصر مش مفهومة بالنسبة لي بصراحة و هتفضل بورصة تقليدية جدا بيطلع و ينزل فيها الاسهم بناء علي الاخبار مش التكنولوچيا و التطور التقني.
وزاد: "تخيل في كام شركةً مصرية فيها تكنولوجيا بنستعملها كل يوم بتخسر وسجلها 250.000 و ثمنها في شركتها البرة مليارات و نفسهم يبقوا في البورصة في مصر و المستثمرين الحاليين و الجدد يتمنوا دة بس مينفعش علشان بند كذا بيقول لازم مكسب سنتين و بند كذا بيقول سجل تجاري زيادته صعبة جدا و لجنة كذا بتقول المستثمر المؤهل بس الي ممكن يستثمر.
وأتم: "بحب البلد دي بس بشتغل في قطاع مش لايق علي حاجات كتير فيها و بسمع كلمة " لجنة الاداء الاقتصادي " بجري خلينا ناكل عيش و حصل خير و عجب كتير جدا و لنا الله و علي رأي الشاعر " يا مصر بتعمليها ازاي" مخي مش بيفهم الحاجات دي و الله بس اهو هنفضل نحاول و بنقول يارب".