هاجم المفكر خالد منتصر الفنانة راندا البحيري بعدما هاجمت الأخيرة فيلم برشامة بطولة هشام ماجد، والذي يُعرض حاليا بجميع دور العرض.
وكتب خالد منتصر عبر حسابه الرسمي بموقع التواصل الاجتماعي “فيسبوك”: الفنانة رندا البحيري تدعم حزب النور في هجومه على فيلم برشامة، وبتتهمه إن كله اسقاطات على الدين الكريم والأئمة الأربعه، وبتوصف الفيلم بإنه بيهدم المعتقد ، وفي النهايه بتحسبن على الفيلم وصناعه.
وأضاف: إنت عارفه يا فنانة يا دارسة يا متعمقة في دراسة النقد الفني ومعاهم الدين والأئمة الأربعة، إن انت من غير حجاب عند حزب النور والأئمة الأربعه عقوبتك ايه؟؟!، ما دام دارسة لازم تجاوبي، هل تعرفي إن الحزب والأئمة مش مانعين الفستان اللي انت لابساه بس، ولا هذا الشعر المكشوف بس، ده تنميص الحواجب ملعون، والبارفان يجعل من تضعه زانية؟ هل لم تقرأي بما أنك دارسة في كتاب أي فقيه من الأربعه إن الزوج ليس عليه واجب أو الزام بتكلفة ونفقة علاج زوجته.
وتابع: ، ولا ثمن الكفن كمان لما تموت!، وإن أي فيلم قال ان الحمل تسع شهور بس هو مخالف لكلام الفقهاء الأربعه اللي منهم قال ان الحمل سنتين، ومنهم اللي قال أربعه، ويا أستاذة رندا ، يا فضيلة الدارسة المبجلة ، هل في دراستك الفنية ما درستيش حاجة اسمها علم الجمال ، اللي هو مقياس الفن ومعيار الحكم عليه، وإن الغش في اللجنة ده حيلة فنية فجرت كوميديا جميلة عند أصحاب الضمائر والنيات الحسنو.
واستكمل: وأعتقد إن مشهد مساعدة المتدين الذي أدى دوره الفنان هشام ماجد في الفيلم للراقصة التي أدت دورها الفنانة ريهام عبد الغفور ، أفضل من مشهد سوق تجارة السبايا والجواري والتفعيص في البضاعة في زمن الخلاف.
واختتم: الفرز الجيد من الردئ وتحديد سعر الشراء طبقاً للوزن والملمس ولون البشرة وضخامة العجيزه
صدقيني عزيزتي الفنانة ، لن يرضى هذا التيار إلا بأن تكوني كوبي بيست منه، تبقي شبهه بالمللي، أي مزايدة ومغازلة لن ترضيه، وفي النهاية الخاسر هو أنت والفن والبلد.
هجوم راند البحيري على فيلم برشامة
وهاجمت راندا البحيري فيلم برشامة، حيث كتبت منذ أيام عبر حسابها الرسمي بموقع التواصل الاجتماعي “فيسبوك”: الكلام ده كله حقيقيي. و بلاش حبكم او كرهكم لحزب ب عينه يخليكم ترفضوا اي حاجه بيقولها أنا اتفرجت علي الفيلم و أنا علي فكره دارسة نقد فني و عارفه يعني ايه إسقاطات فنية الفيلم كله إسقاطات علي ديننا الكريم.
وأضافت: علي الأئمه الأربعة، و علي الرجل المتدين اللي حتي الحاجه الوحيده اللي عملها صح في الفيلم انه مش راضي يغش علشان الرسول ص قال من غشنا ف ليس منا، ف راح هادم كل المعتقد ده و جه في آخر مشهد غشش " رقاصه"علشان تنجح و يسقط هو "مع العلم ان ده الرجل الوحيد اللي مطلعينه متدين بحق" اللي هو هشام.
واختتمت: حسبي الله و نعم الوكيل في اللي بيحطولنا السم في العسل. و حسبي الله و نعم الوكيل في اللي بيقرا الأفلام دي و بيخش يمثلها عادي. و مش فارق معاهم أجيال تتفرج و دماغها تلف و تبقي مش فاهمه الصح من الغلط.