حلت الفنانة مي عز الدين ضيفة في برنامج "صاحبة السعادة" المُذاع عبر قناة dmc مع إسعاد يونس، والتي كشفت خلالها العديد من الأسرار في حياتها الشخصية والفنية.
دعم عادل إمام لـ مي عز الدين
وتحدثت مي عز الدين عن دعم الزعيم النجم عادل إمام لها في بدايتها الفنية من خلال مشاركتها في مسلسل "لقاء ع الهوا، وقالت: كان في تكريم الأستاذ عادل إمام وسألوه تحب تكرم مين من الشباب فقال في عن دورها في "لقاء على الهوا". ولما قابلته كان فرحان بيا جدا ... وقعد يقوللي إنت شاطرة وبتهتمي بالتفاصيل وبتعرفي تعملي كاركتر.
تغيرر إسم مي عز الدين
كما كشفت مي عز الدين سبب تغيير إسمها: وقالت: كانوا بينادوني في البيت والمدرسة بـ مي بدل ماهيتاب، ولما محمد فؤاد سمع الاسمين في فيلم رحلة حب قالي خلي اسم شهرتك مي علشان يكون سهل والناس يقولوه.
علاقة مي عز الدين بـ أحمد السعدني
وتحدثت مي عز الدين أيضا عن الصداقة التي تجمعها بالفنان أحمد السعدني، مؤكدة أنه من أقرب أصدقائها في الوسط الفني، وقالت: أحمد مش مجرد صاحب، ده عشرة عمر وسند حقيقي في حياتي، ومهما حصل مبيتغيرش وده اللي بيخليني أتمسك بصداقتنا هو الشخص اللي بلاقيه جنبي وقت الشدة قبل أي حد تاني.
دعم عبلة كامل وحسن حسني لـ مي عز الدين
وكشفت مي عز الدين عن دعم النجم الراحل حسن حسني والنجمة عبلة كامل لها في بدايتها الفنية، وقالت: الفنان الراحل حسن حسني كان له دور بارز في صقل موهبتي في الأعمال الكوميدية، واستفدت من الفنانة عبلة كامل في الأداء و التعامل مع المشاهد.
لقاء مي عز الدين مع زوجها
كما تحدثت مي عز الدين عن أول لقاء جمعها بزوجها أحمد تيممر: وقالت: روحت إيفينت عشان أسمع عمر خيرت ودي أصلا مش شخصيتي، لما عزف أغنية كانت ماما بتحبها مقدرتش أمسك نفسي وعيطت
وأضافت: أحمد جابلي مناديل وفضل يسألني: إنتِ كويسة في حاجة مضايقاكي بعد ما هديت اكتشفت إن بقالنا ساعة بنتكلم.. فسألته: هو إنت مين، هو اللي قالي بحبك الأول وكنت خايفة عشان كل حاجة حصلت بسرعة، أحمد بقى سندي وأماني بعد ماما وحسيت ربنا بعتهولي في الوقت المناسب
صاحبة السعادة
ويعتبر صاحب السعادة هو برنامج ذات قالب ترفيهمي تقدمه إسعاد يونس، وتستضيف من خلاله أشهر نجوم الفن والرياضة، وكذلك دعم المواهب في المجالات المختلفة، ويحظى بنسب مشاهدة عالية، وإشادة واسعة من الجمهور.
مواعيد عرض برنامج صاحبة السعادة والقنوات الناقلة
ويعرض برنامج صاحبة السعادة يومي الأحد والإثنين من كل أسبوع في تمام الساعة العاشرة مساء بتوقيت القاهرة على قناة دي إم سي.