عبر رجل الأعمال أبو النجا نجاتي، عن سعادته البالغة بسبب إقبال عدد كبير من الشباب على الحج هذا العام، والعزوف عن زخرف الدنيا واللهو فيها.
تصريحات أبو النجا نجاتي
ونشر أبو النجا نجاتي عبر حسابه على فيسبوك: “في حاجة فرحتتي أوي أوي موسم الحج دة ماشاء الله لا قوة الا بالله، شباب ( سن 20 - 40) كتير جدا و من المستوي الكان العيد الكبير بتروح ibiza و sardinia و vegas و st tropez ما شبه ذلك كان كتير منهم جدا بتحج”.
وتابع: "و طبعا اللي عارف ده معناه ايه هيفهم... سبحان الله عجب المكاسب:
- صحابهم هيتريقوا عليهم بس باذن الله يقلدوهم 2027.
- الشباب "الشيك " خلاص لفوا و فهموا ان الرضا عند الله بس مش بالمراكب الطويلة و لا الطيارات و لا الbrands.
- باذن الله دي بداية ان طموح الشباب يبقي للحج مش للهلس و المسخرة و دة حلو في تربية الاولاد باذن الله.
- البيطلع الحج بيبطل عك عادة في الدنياو دي حاجة قمر في الرزق كمان و للداوير المحيطة.
- هيطلع ناس في الاماكن الكان الشباب دي بتروحها تتريق عليهم و انا معاهم ناخد ثواب اكتر و يقوله الحج ترند خير.
- هيتعرفوا علي ناس حلوة و شيوخ تساعدهم يكملوا في خير و يساعدوهم في التفاصيل الصغيرة الجميلة.
- ودي أهم واحدة ... حسن التنظيم السنة دي من وزارة الحج و العمرة في المملكة العربية السعودية و وزارة السياحة المصرية و الشركات السياحية المصرية هيسهل الحج فيحبوه و يحاوله يكرروا الموضوع باذن الله و كله يتطور كل سنة و يتحسن.
- طبعا البوست دة هيتريق عليه ناس كتير جدا بس النية سليمة و المعاه ربنا يمشي علي المياة و كلنا بنحاول.
