ردت الإعلامية لمياء فهمي عبدالحميد على منتقدي وضعها مكياج داخل الحرم المكي.
وقالت لمياء فهمي عبدالحميد في فيديو نشرته عبر حسابه الرسمي بموقع التواصل الاجتماعي: مقدرتش مردش بصراحة، رغم كل الناس نصحتني إني مردش حتى الشيوخ قالوا لي مترديش على حد وسيبي اللي يتكلم يتكلم، مش مطلوب مني أبرر حاجة لحد لإني في الأول والأخر بتعامل مع ربنا بس اللي أذن لي بالزيارة في أجمل مكان في الكون، بس اتضايق
وأضافت: كل واحد يخليه في نفسه واحدة تقولي إنتي حاطة ميكب أب ازاي هعمل كده وأنا عند الرسول ودي ضوافري والله، وليه هحطة ميكب أب أصلا، وبالنسبة للرموش أنا ليه ظروفي الخاصة ومش مطالبة أقولها لحد.
وتابعت: أنا بتكلم على الناس اللي انتقدت إمبارح وسابت كل حاجة وركزت في الضوافر، ما تخليكوا في حالكوا يا جماعة الدنيا مش مستهلة إنكم تجرحوا حد بكلمة وإنتوا متعرفوش ظروف إيه، بنطلع نقول الكلام ده كل يوم على الشاشات ومفيش فايدة، هدعيلكوا من الحرم ربنا يهديكوا.
وكانت لمياء فهمي عبدالحميد قد تعرضت للنقد من الجمهور عند نشرها فيديو داخل الحرم المكي، حيث اعتقد البعض أنها وضعت مكياج أثناء تواجدها بالحرم.