الفن

وجهت شقيقة مطرب المهرجانات الشعبية مسلم إتهاما إلى زوجته يارا تامر بالتعدي على شقيقها بالضرب المبرح، مما أدى إلى إصابته بجروح بالغة. 

وقالت شقيقة مطرب في لايف لها على تطبيق “تيك توك”: فتحت إيده 45 غرزة وكسرت إزارة وعورته بيها،  ولو عايزه تنفي تطلع تجيب إيده وتورينا إنها سليمة ومعلمتش كده.

خلاف مسلم ويارا تامر 

وفي وقت سابق، كشفت يارا تامر  خلافها مع مسلم، مؤكدة لا ينفق على نجله، بالرغم من كل المحاولات الودية للتفاهم معه دون اللجوء إلى القضاء. 

وقالت من خلال فيديو بث مباشر عبر صفحتها الرسمية بموقع التواصل الاجتماعي “فيسبوك”: 
ابنه بالنسباله ميت وكنت بتحايل عليه يشوفه،  مبيصرفش عليه جنيه وبيعمل بلوكات لأهلي، وقالي ابقى قابليني لو خدتي مني حاجة ومش همه حد،  أنا مش مسامحة.

وأضافت: قعدت سنتين وأنا بحاول إن ابني ياخد حقه من النفقة، وكل حاجة معايا فيها إثباتات. كنت دايمًا بحاول يقابل ابنه لكن ماكنش في فايدة. رفعت قضية، ووالدي هو اللي بيصرف عليا عشان النفقة بتتأخر دايمًا. الفلوس مش بتجيني في وقتها، وكلما أروح أنفذ حكم المحكمة، يا إما يتهرب أو يغير مكانه. وكل 5 شهور بيجيلنا شوية فلوس، وأدفع عيني عشان أقدر آخدهم.

واستكملت: أنا عزلت 3 مرات عشان مش عارفة أعيش في مكان كويس، مش قادرة حتى أدخل ابني المدرسة أو أجيب له حاجات، وعليّا ديون كبيرة، ليه بتتهرب من ابنك يعني لازم أبوس إيدك عشان تصرف عليه؟"

واختتمت: في حد بيساعده عشان ميصرفش على ابنه الفلوس وقفت بسببك، أنا ست زيك عندي طفل، إنتي طول عمرك تدخلين في حياتي وتستفزيني وتخلي الدنيا تقوم. بس لما الموضوع بيوصل لرزق ابني، إنتي بتوقفين الدنيا؟ حسبي الله ونعم الوكيل، مش هسامحك.