الفن

هنأت الفنانة نهال عنبر النجم الكبير الزعيم عادل إمام بمناسبة عيد ميلاده من خلال توجيه رسالة له عبرت من خلالها عن تقديرها له. 

وقالت نهال عنبر في تصريحات خاصة لـ «بصراحة»: كل سنة والزعيم طيب اللي له  فضل عليا كبير ووشه حلوه عليا وأول وقفة كاميرا ليا كانت قدامه، وكنت خايفة في الأول وشجعني،  واشتغلت معاه ثلاث أعمال اتعلمت منه الالتزام وآداب المهنة،  ومصر يعني عادل إمام.

وأضافت: طول عمره بيحترم الناس كلها، وكان بيهزر مع أقل واحد في الاستوديو هزار جامد، وكان بيشجه، والناس كانت بتفرح جدا بدخوله الاستوديو، والحقيقة عادل إمام من علامات مصر الكبيرة وعلامات الفن العظيمة، وعلى المستوى الإنساني دمه خفيفة وقعدته حلوة ميتشبعش، وربنا يخليه لينا، ويرجع ينورنا في الفن تاني،  لأنه وحشنا جدا، وكل سنة وهو طيب وربنا يجعلها سعيدة، وأقرب عمل لقلبي مع الزعيم هو دور اللواء وجيدة في صاحب السعادة. 

عيد ميلاد الزعيم

ويحتفل عادل إمام اليوم بعيد ميلاده الـ 86، حيث أنه من مواليد عام 1940.