كشفت الفنانة منة فضالي تفاصيل تعرضها للسرقة على يد خادمتها التي استولت على عدد من المقتنيات والأشياء الثمينة التي تمتلكها.
وكتبت منة فضالي عبر حسابها الرسمي بموقع التواصل الاجتماعي “فيسبوك”: البنت دي بقالها عندي سنه و شهرين اسمها سميرة، و مش معاها باسبور و قولتلها هاتي باسبور اعملك إقامة، قالتلي محتاجه يومين اجازه طلبت المكتب يجي ياخدها علي أساس إنها هتروح تجبلي باسبورها وادتها تليفون، علشان معهاش تليفون علشان اعرف اكلمها أول حاجه محبتش حد يعرف عنوانها و خليت المكتب يوصلها في مكان بعيد
وأضافت: واحدة جت اخدتها منهم و بعدين تليفون اتقفل و عملت بلوك ليا ولأمي، و اكتشفنا بعدها إنها سارقه كل حاجه من البيت عن طريق أكياس القمامه السودة و هي خارجه من عندنا، كان معاها شنطتها الصغيره بعد كده لقناها واخده حلق و خاتم أمي الذهب وسلسلة ذهب كبيره و سارقه هدوم كتير من عندي و شنط غالية و3 ساعات.
وتابعت : كلمت المكتب وهما حاولو يوصلونها راحت مخليه واحده تزعق معاهم وعملت للمكتب بلوك ودي صور بعض الحاجات اللي سرقتها من عندي، و الست دي هي المسؤله عنها حاولت اتواصل معاها قفلت في وشي و عملت بلوك.
واستكملت: روحت القسم و عملت محضر ب المسروقات و ادتهم رقم باسبورها، وإن شاء الله يعرفو يجيبوها المشكله الأساسية إني عرفت بعد كده إن البنت دي بتشتغل مع حد في نيجيريا بتاع مخدرات، وأنها متصابه كذا مرة بالرصاص.
واستطردت: مش عارفه إزاي الناس دي بتدخل البلد اللي زي دوول لازم نحرص منهم للأسف أنا عملت خير معاها أوي أوي، ربنا اللي يعلم و الناس كلها اللي جاتلي بيتي شافت أنا كنت بتعامل معاها ازاي، بس إكتشفت إن دول معندهمش ضمير و كدبيين و طبعهم الخيانه.
وواصلت: هتقولولي وايه اللي يخليكي تشغلي واحده أجنبية، أقولكم لأن جربت مصريين كتير و منهم اللي اتهجمت علي أمي و هي لوحدها، و أنا كنت في التصوير و في اللي كانت أخلاقها مش حلوة، و في اللي كانت بتصوني و أنا قاعده و تبعت لناس صوري، فا قولت خليني أجيب حد لا يعرفني و لايعرف لغتنا و يمكن يكونو أحسن مع إن في مصريات كتير كويسين، بس مش بيرضو يباتو وأنا لازم حد يكون مع أمي طول ، ما أنا في الشغل لإن مقدرش اسبها لوحدها.
واختتمت: أنا بنزل الكلام ده و ربنا يعلم أنا كنت بحب البنت دي أد إيه، لكن إكتشفت حقيقي اتقي شر من احسنت اليه لو خد بيتعامل مع الست دي خلي بالكم، وإن شاء الله القانون حيجبلي حقي منها لله.
سرقة فيلا منة فضالي
وتعرضت فيلا منة فضالي لسرقة عدد من المقتنات الثمينة على يد خادمتها