كشفت الفنانة أسما شريف منير أمنيتها الكبرى في الحياة، مؤكدة أن هدفها الأول والأخير في الآخرة، وليس الدنيا.
وكتبت أسما شريف منير عبر حسابها بموقع التواصل الاجتماعي “انستجرام”: حسن الخاتمة، أكبر أمنية عندي في الحياة مش إني أنجح، ومش إني أوصل، ومش إني أحقق كل اللي اشتغلت عليه.
وأضافت: أكبر أمنية عندي إن ربنا يكتبلي حُسن الخاتمة، إني أمشي من الدنيا دي وأنا في حالة كويسة. مش وأنا غافلة، مش وأنا بعيدة عنه، مش وأنا في لحظة مش أنا فيها. إني أمشي وعلى لساني لا إله إلا الله محمد رسول الله.
وتابعت: وقلبي مطمن، وربنا راضي عني من زمان وأنا بفكر إيه أحلى مكان يمكن يحصل فيه ده، وأنا ساجدة أو داعية أو بأقرأ، إن ربنا يكتبلي ده في أقدس بقعة على وجه أرض.
واختتمت: الدنيا دي مش الغاية. الغاية إن ربنا يكون راضي لما أقابله. وكل حاجة بناها، وكل حاجة اشتغلت عليها، وكل حاجة عشتها، أتمنى تكون كانت وسيلة أوصلتني ليه مكرمة، اللهم اختم لنا بالصالحات، واجعل خير أعمارنا آخرها، وخير أعمالنا خواتيمها.
ارتداء أسما شريف منير الحجاب
وكانت أسما شريف منير سبتمبر الماضي، قد قررت ارتداء الحجاب، ووصف هذه الخطوة بأنه قرار من القلب وعهد معه الله لراحة نفسية.