وجه أحمد حسام ميدو، نجم الزمالك ومنتخب مصر السابق، رسالة ونصيحة لـ سيد عبدالحفيظ، عضو مجلس إدارة النادي الأهلي، بعد أزمة اتحاد الكرة ووفد القلعة الحمراء.
وقال ميدو عبر برنامجه أوضة اللبس: "لو يسمحلي الكابتن سيد عبد الحفيظ إني أنصحه.. مش لازم تكون إنت دايمًا متصدر المشهد لوحدك، لأن ده في الآخر بيحرقك".
ميدو: رحيل عبدالحفيظ عن الأهلي الفترة الماضية لتصدره المشهد
وأضاف: "واحد من أهم أسباب رحيلك في فترتك السابقة مع الأهلي إنك كنت متصدر المشهد لوحدك، وده بيخلي كل الضغط عليك".
وتابع: "متخليش حد يطلعك المسرح لوحدك، لأنك كده بتخدم ناديك آه، بس إنت أول واحد بيتحرق قدام المسؤولين، مش قدام الجمهور".
وأكمل: "مع كل موقف بتاخده لوحدك، ومع تكرار الأزمات، بيتكون عنك انطباع إنك إنت سبب المشاكل، وإن غيابك ممكن يقللها".
واختتم ميدو تصريحاته قائلًا: "أنا عارف بقول إيه كويس، لأني وقعت في نفس الغلطة دي قبل كده.. مرة واتنين، وعشان كده بقولك متتصدرش المشهد لوحدك".