يستكمل موقع "بصراحة" الإخباري نشر نص اعترافات ريان المتهم بقتل والدته وأشقائه الخمسة في واقعة كرموز والمعروفة اعلاميا بـ"جريمة كرموز"، حيث تتضمن الاعترافات تفاصيل دقيقة حول كواليس الجريمة، إلى جانب أقواله بشأن الملابسات التي أحاطت بالواقعة.
نص الاعترافات
وجاء نص الاعترافات كالتالي:
س: ما طبيعة عمل والديك تحديداً ؟
ج بابا میكانيكي سيارات وماما مش بتشتغل.
س: وما مستوى ثقافتك ؟
ج: أنا مش بتعامل مع حد خالص ومش بخرج من البيت إلا مع بابا أو ماما ومش بعرف أتعامل مع حد.
س: ومن هم أقرانك بالتحديد وما معاير انتقائك لهم؟
ج أنا مكنش ليا أصحاب غير في المدرسة وكنت بصاحب الولاد الهادية بس من بعد ما سببت المدرسة مبقاش ليا أصحاب خالص .
س وما سمائك الشخصية في مراحل عمرك المختلفة؟
ج انا كنت ضعيف وكنت بخاف من أي حد ومكنش ليا أصحاب أصلا غير في المدرسة ومن بعد ما سببت المدرسة وأنا معنديش صحاب خالص
س: وهل صورت بأزمات نفسية أو مادية مؤثرة ؟
ج: ايوه انا من صغري وبابا مش بيصرف علينا كويس وبيعاملنا وحش جدا وبيضربنا على أقل الأسباب.
س: وما كيفية تعاملك مع تلك الأزمات؟
ج كنت بتقبل كل الظروف غصب عني .
س: وضح لنا ظروف نشأتك الدينية ؟
ج: انا كنت بقرأ قرآن وبحفظه.
س: وإلى أي مدى يبلغ حد معرفتك بأسس الدين الإسلامي وقواعده ؟
ج وأنا في المدرسة كنت بروح المسجد احفظ قرآن وحفظت جزء عم بس دلوقتي نسيته.
س: وعلى يد من المشايخ تتلمذت؟
ج مش فاكر اسمه.
س: وما الذي تعلمته و درسته على يد سالف الذكر ؟
ج اتعلمت القرآن وحفظت جزء واحد بس نسينه دلوقتي
س: وما مدى التزامك بأداء الصلوات ؟
ج انا بصلي كل العروض وبصوم في رمضان .
س: وكيف كنت تقضي وقت فراغك في مراحل عمرك المختلفة ؟
ج انا بحب اتفرج على التقرون دائما دي أكتر حاجة بعملها .
س: وما هي البرامج التلفزيونية المفضلة لديك ؟
ج كنت بحب كرتون نيتورك دي أكثر حاجة كنت بتفرج عليها .
س: وما هي هواياتك تحديداً ؟
ج مكنتش عمل حاجة خالص غير اني اقعد قدام التلفزيون اتفرج على كرتون أو العب جيمز بالأكس بوكس ومكنتش بخرج خالص ولا اتعامل مع حد وكنت طول الوقت قاعد مع نفسي مليش علاقة بحد .
س: وما الأماكن التي اعتدت ارتيادها ؟
ج كنت بنزل مع ماما من البيت ساعات بخرج نجيب حاجات للبيت مثلا لكن عمري ما كنت بخرج لوحدي خالص ماما كانت بتزعقلي يعني لما جينا مصر كنت ساعات بنزل العب كورة في الشارع مع أي عيال بيلعبوا بس ماما كانت بتزعقلي وتقولي متخرجش من البيت خالص غير وأنت معايا وكانت بتعمل نفس الكلام مع أخواتي بردو وكنت لما بنزل آخري أجيب حاجة من تحت مثلا للبيت مش أكثر من كده .
س: وما السبب الحائل دون انخراطك في المجتمع وانطوائك على نفسك ؟
ج عشان من صغري بابا بيضربني وبيعاملني وحش وكنت دائما مهزوز وضعيف وماما كانت بتخاف علينا جدا وكانت بتمنعنا نخرج من البيت أو نفتح لأي حد غريب من صغرنا لحد ما كبرنا وجينا نعيش في مصر.
س: وما هو محل إقامتك منذ نشأتك وحتى الآن ؟
ج: أنا بابايا أردني وماما مصرية واتجوزوا وعاشوا في السعودية وانا اتولدت هناك وجيت مصر وانا عندي ١٦ سنة يعني بقالي حوالي ٤ سنين في مصر.
س: ورفقة من انتقلت للعيش بجمهورية مصر العربية تحديدا ؟
ج مع ماما وأخواتي كلهم وبابا فضل زي ما هو في السعودية .
س: وما السبب الذي حال دون مرافقة والدك لكم آنذاك ؟
ج: عشان شغله فضل في السعودية واحنا جينا مصر مع ماما .
م: وما الذي دعاكم للانتقال والعيش بجمهورية مصر العربية ؟
ج: عشان والدتي تعبت ومكانتش عارفة تتعالج في السعودية فنزلت مصر عشان تقدر تصرف على علاجها عشان العلاج في السعودية غالي وبابا مكنش بيقدر يجيبه .
س: وما محل قطونكم تحديد؟ ؟
ج: احنا جينا مصر أجرنا شقة في بشاير الخير عمارة ١٧ ورا الهاير وقاعدين فيها من وقتها لحد دلوقتي هي في الدور السادس .
س: وما مواصفات ذلك المسكن تحديدا ؟
ج: هي عمارة ١٣ دور والشقة في الدور السادس ٣ اوض ورا بعض اول اوضة بنام فيها انا ويوسف وثاني أوضة يحي وملك ورهف والاوضة اللي في الآخر بتاعة ماما بتقعد فيها هي وياسين وفيها مطبخ وحمام.
س: وما الآفة الصحية التي ألمت بوالدتك تحديداً ؟
ج: هي بدأت تتعب سنة ۲۰۲۰ واحنا في السعودية وجالها سرطان في الكبد وقولون عشان كده جينا مصر عشان تتعالج ولما جينا مصر حالتها اتدهورت وجالها كمان كرونز وانزلاق غضروفي وكانت طول الوقت بترجع دم وتعمل حمام دم .