الفن

استطاعت الفنانة تارا عبود أن تلفت الأنظار إليها من خلال ظهورها في مسلسل فخر الدلتا بطولة أحمد رمزي، والذي سبق عرضه في الموسم الرمضاني الماضي 2026.

وقد كان لموقع “بصراحة”حوار خاص مع تارا عبود بعد عرض هذا المسلسل. 

وإليكم نص الحوار:

حدثينا عن أولى تجربتك في التمثيل من خلال مسلسل  فخر الدلتا؟

دي أول تجربة ليا في التمثيل باللهجة المصرية، لكن مش أول تجربة ليا في التمثيل بمصر، والتجربة كانت تحفة والدور مختلف عن الأدوار اللي قبل كده ما كانت بتكون دراما، هو الدور كان فيه دراما برضوا، لكن الإختلاف إنه كان فيه دراما برضوا، لكنه كان خفيف جدا كوميدي ورومانسي، واتبسط فيه جدا.

من  أين جاء ترشيحك للمسلسل ؟

أستاذ هادي  بسيوني مخرج العمل كان يعرفني من أفلام عملتها قبل كده، والترشيح جالي عن طريق إن أستاذ هاد ومصطفى العوضي كلموا مديرة أعمالي، ولما روحت مصر اتعرفت على أستاذ هادي وأحمد رمزي، وقعدنا واتكلمنا مع بعض حوالي 6 أو 8 ساعات، واشتغلنا على الاسكريبت، وارتجالنا مشاهدة كتيرة، وكان الموضوع جميل جدا، وفي اللحظة دي فهمت الشخصية جدا، وعرفت وقتها إن فيه بيني وبين رمزي كيميا، ومكنتش محتاجة وقت، وحسينا وقتها إن الشغل بينا هيبقى حلو جدا. 

ما الذي جذبك للمشاركة في المسلسل؟

قصته وأبطاله والمخرج اللي كان بيدعمني ويبعت لي فيديوهات إزاي هو متخيل المشهد ده، وأفكاره كلها حديثة وعبقرية، والمسلسل في الآخر ظهر زي ما هو عايز بالظبط، واندهشنا بثقته في نفسه ودرجة إبداعه، خصوصا إن دي أول تجربة إخراج له، ومبسطة جدا إن الشخصية عجبت الناس وعلقت معاها. 

حدثينا عن تعاونك مع أحمد رمزي ؟

أحمد رمزي كان جد جدا في التمثيل، واللي كان يشوفوا مكنش يصدق إن دي أول تجربة له في التمثيل، وهو كان حقيقي جدا وبيشتغل على الدور بكل جدية، وهو إنسان محبوب وله شعبية كبيرة على السوشيال ميديا.

ما وجه التشابه بين شخصيتك الحقيقية وشخصية تارا ؟

أنا وضعت روحي داخل الشخصية، وأكيد فيه حاجات بينا مختلفة زي الروح والشخصية، ومش كل التصرفات والقرارات، لكنها نفس الروح، ولما بفكر في الشخصية بحسها شبهي جدا إني ما أحب هبقى بنفس الطريقة، لكن مش في كل التفاصيل، والمختلف إنها بتضحي في الحب، ومعتقدتش إني هكون كدا لو حبيت شخص، فهي شخصية مثالية جدا، ومفيش حد كده في الحقيقة، لكن التشابه بين في الروح وحب الحياة وحب الفن والرسم، وهي هتكون بالتأكيد الشخصية المثالية بالنسبة للرجال، وعلاقتنا بفخر حلوة، واتمنى إن يكون فيه قصة زي دي في الواقع.

ما أصعب المشاهد التي واجهتك في التصوير ؟ 

المشاهد مع الأب هي كانت أصعب المشاهد بالنسبة لي، خاصة مشهد الخناقة بعد رفض فخر، وكذلك المشهد لما روحت لـ فخر البلد بعد ما اكتئب، ودي كانت مشاهد درامية محتاجة مجهود كبير.

كيف كانت استعدادتك للهجة المحلي (الفلاحي) ؟

مشهد الفلاحة مكنش مكتوب في البداية، واتفقنا عليه خلال التصوير، وكانت مكتوب في السيناريو إنه كان تخيل من فخر، ومكنش عندي وقت كافي اتدرب على اللهجة أوي، وأنا بحب اعمل أدور مختلفة ومتنوعة، ومعنديش مانع اعمل في يوم من الأيام دور فلاحة، لو اتدربت على الدور كويس. 

أحداث مسلسل فخر الدلتا

وتدور أحداث مسلسل فخر الدلتا في إطار كوميدي حول شاب طموح يُدعى "محمد صلاح فخر" من إحدى قرى الدلتا، والذي يتميز بالإبداع، فيقاتل من أجل اقتحام عالم الإعلانات، حاملا رؤيته الفنية في بيئة لا تعترف إلا بالواقعية والمهن التقليدية، فيسعى من أجل تجاوز العوائق الاجتماعية والجغرافية، وإصرار على إثبات أن النجاح لا يتطلب إقامة بالقاهرة، بقدر ما يتضمن إيمانا بالحلم.

فريق عمل مسلسل فخر الدلتا

ويضم فريق عمل مسلسل فخر الدلتا نخبة من النجوم منهم أحمد رمزي، وكمال أبو رية، وإنتصار، وأحمد عصام السيد، وتارا عبود، ومحمد محمود، وحنان يوسف، وأحمد صيام، ونبيل عيسى، ونسرين أمين، وميشيل ميلاد، والعمل من تأليف عبدالرحمن جاويش، وإنتاج مصطفى العوضي، وإخراج هادي بسيوني.